A A A

Sumar á Tálknafirði!

Tálknafjarðarhreppur auglýsir sumarstörf 2022.
 

Umsjón með tjaldsvæði Tálknafjarðar.

 

Tálknafjarðarhreppur leitar að kröftugum, áhugasömum og skipulögðum einstaklingum sem eiga auðvelt með mannleg samskipti til taka að sér störf við umsjón tjaldsvæðis Tálknafjarðar sumarið 2022.

 

Helstu verkefni og ábyrgð

  • Almennt utanumhald og eftirlit með tjaldssvæði.

  • Innheimta gjöld af gestum tjaldsvæðis í samræmi við gjaldskrá.

  • Daglegt uppgjör.

  • Þrif á tjaldssvæði og þeim mannvirkjum sem því tengjast.

  • Innkaup á nauðsynlegum aðföngum fyrir starfsemi tjaldsvæðis.

  • Ábyrgð á að svæðið sé snyrtilegt og öruggt.

  • Frumkvæði að lausn verkefna sem starfað er að.

  • Samskipti við annað starfsfólk sveitarfélagsin varðandi þau verkefni er snúa að tjaldsvæði.

  • Önnur tilfallandi verkefni í samráði við sveitastjóra.

 

Menntunar- og hæfniskröfur

  • Góð færni í mannlegum samskiptum.

  • Skipulögð og fagleg vinnubrögð

  • Krafa um frumkvæði og sjálfstæði í starfi.

  • Góð kunnátta í íslensku og ensku. Kunnátta í þriðja tungumáli er kostur.

  • Æskilegt er að hafa bílpróf.

  • Hafa náð 18 ára aldri.

  • Hreint sakavottorð.

Ráðnir verða tveir einstaklingar til að sinna störfum á Tjaldsvæði Tálknafjarðar sumarið 2022.

Unnið verður á vöktum, 7 dagar í vinnu og 7 dagar í fríi.

Unnið er undir stjórn sveitarstjóra.

Um er ræða tímabundin störf sumarið 2022 og eru laun og starfskjör í samræmi við kjarasamninga Félags opinberra starfsmanna á Vestfjörðum og Samband íslenskra sveitarfélaga.

 

Einstaklingar af öllum kynjum eru hvattir til að sækja um.

 

Hægt er að hringja í 450-2500 eða senda tölvupóst í netfangið talknafjordur@talknafjordur.is til að fá nánari upplýsingar.

 

Umsóknareyðublöð er að finna á talknafjordur.is og hægt er að skila útfylltum umsóknum á skrifstofu Tálknafjarðarhrepp eða með því að senda þær netfangið talknafjordur@talknafjordur.is.
Umsóknarfrestur er til og með föstudagsins 12. apríl 2022.

Sumar á Tálknafirði!

Tálknafjarðarhreppur auglýsir sumarstörf 2022.
 
Vinnuskóli Tálknafjarðar.

 

Yfirflokkstjóri vinnuskóla Tálknafjarðar

Tálknafjarðarhreppur leitar eftir kröftugum, áhugasömum, skipulögðum og skemmtilegum einstaklingi til að stýra starfi Vinnuskólans sumarið 2022. Í starfinu felst að skipuleggja og stýra starfið Vinnuskólans, leiðbeina nemendum og vera í samskiptum við foreldra barna og unglinga. Halda utan um mætingar og ástundun nemenda og vinna markvisst að því að efla liðsheild og góða líðan nemenda í vinnuskólanum.

 

Helstu verkefni og ábyrgð

  • Umsjón með og samskipti við nemendur vinnuskóla.

  • Markviss vinna að því að efla liðsheild og góða líðan nemenda í vinnuskólanum.

  • Leiðbeiningar til nemenda um verklag og aðferðir og eftirlit með að vel og rétt sé unnið. Gætir þess að ávallt liggi skýrt fyrir hvaða verkefnum eigi að sinna.

  • Frumkvæði að lausn verkefna sem starfað er að.

  • Dagleg umsjón með hreinsun og fegrun bæjarins, m.a. opinna svæða.

  • Að gæta þess að verkfæri séu til staðar og frágengin að loknu verki.

  • Utanumhald vegna mætinga og skráning annara upplýsinga sem varða vinnuskólann.

  • Önnur tilfallandi verkefni í samráði við íþrótta- og tómstundafulltrúa og starfsmanna áhaldahúss.

 

Menntunar- og hæfniskröfur

  • Góð færni í mannlegum samskiptum og hæfni til að stýra hópi af ungu fólki.

  • Reynsla af, og áhuga á, að vinna með og fræða ungt fólk.

  • Krafa um frumkvæði og sjálfstæði í starfi.

  • Skipulögð og fagleg vinnubrögð

  • Bílpróf er skilyrði.

  • Hafa náð 18 ára aldri.

  • Hreint sakavottorð.

Yfirflokkstjóri starfar undir stjórn íþrótta- og tómstundafulltrúa.

Yfirflokkstjóri er nemendum fyrirmynd hvað varðar heilbrigðan lífsstíl, stundvísi og tillitssemi.

Um er ræða tímabundið starf sumarið 2022 og eru laun og starfskjör í samræmi við kjarasamninga Félags opinberra starfsmanna á Vestfjörðum og Samband íslenskra sveitarfélaga.

 

Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.

 

Einstaklingar af öllum kynjum eru hvattir til að sækja um.

 

Umsóknareyðublöð er að finna á talknafjordur.is og hægt er að skila útfylltum umsóknum á skrifstofu Tálknafjarðarhrepp eða með því að senda þær netfangið talknafjordur@talknafjordur.is.
Umsóknarfrestur er til og með föstudagsins 12. apríl 2022.

 

Hægt er að hringja í 450-2500 eða senda tölvupóst í netfangið it@vesturbyggd.is til að fá nánari upplýsingar hjá Guðnýju Lilju Pálsdóttur, íþrótta- og tómstundafulltrúa.

....

 

Flokkstjóri hjá vinnuskóla Tálknafjarðar

Tálknafjarðarhreppur leitar eftir einstaklingi sem á gott með að vinna með öðrum, hefur frumkvæði, er fyrirmynd, stundvís, metnaðarfullur og samviskusamur til að taka að sér starf flokkstjóra hjá vinnuskóla Tálknafjarðar sumarið 2022.

 

Helstu verkefni og ábyrgð

  • Leiðbeiningar til nemenda um verklag og aðferðir og eftirlit með að vel og rétt sé unnið. Gætir þess að ávallt liggi skýrt fyrir hvaða verkefnum eigi að sinna.

  • Vinnur með nemendur að verkefnum eins og við á.

  • Frumkvæði að lausn verkefna sem starfað er að.

  • Að gæta þess að verkfæri séu til staðar og frágengin að loknu verki.

  • Önnur tilfallandi verkefni í samráði við yfirflokkstjóra.

 

Menntunar- og hæfniskröfur

  • Góð færni í mannlegum samskiptum og hæfni til að stýra hópi af ungu fólki.

  • Reynsla af, og áhuga á, að vinna með og fræða ungt fólk.

  • Krafa um frumkvæði og sjálfstæði í starfi.

  • Skipulögð og fagleg vinnubrögð

  • Æskilegt er að hafa bílpróf.

  • Hafa náð 18 ára aldri.

  • Hreint sakavottorð.

 

Flokkstjóri starfar undir stjórn yfirflokkstjóra.

Flokkstjóri er nemendum fyrirmynd hvað varðar heilbrigðan lífsstíl, stundvísi og tillitssemi.

Um er ræða tímabundið starf sumarið 2022 og eru laun og starfskjör í samræmi við kjarasamninga Félags opinberra starfsmanna á Vestfjörðum og Samband íslenskra sveitarfélaga.

 

Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.

 

Einstaklingar af öllum kynjum eru hvattir til að sækja um.

 

Hægt er að hringja í 450-2500 eða senda tölvupóst í netfangið it@vesturbyggd.is til að fá nánari upplýsingar hjá Guðnýju Lilju Pálsdóttur, íþrótta- og tómstundafulltrúa.

 

Umsóknareyðublöð er að finna á talknafjordur.is og hægt er að skila útfylltum umsóknum á skrifstofu Tálknafjarðarhrepp eða með því að senda þær netfangið talknafjordur@talknafjordur.is.
Umsóknarfrestur er til og með föstudags 15. apríl 2022.

Tálknafjarðarskóli auglýsir lausar stöður við skólann

Skólinn er samrekinn leik-, grunn- og tónlistarskóli undir einu þaki. Í skólanum eru um 50 nemendur. Í skólanum fer fram öflugt og framsækið skólastarf þar sem lögð er áhersla á að koma til móts við hvern og einn nemanda. Skólinn er öflugur grænfánaskóli, heilsueflandi skóli og UNESCO skóli.
 

Tálknafjörður er afar fallegur fjörður sem þekktur er fyrir einstaka veðurblíðu. Íbúarnir eru miklir íþróttaálfar og státar þorpið af glæsilegri íþróttamiðstöð með tækjasal, 25m sundlaug og fjöldann allan af skipulögðum íþróttatímum. Atvinnulíf er með miklum blóma og uppbygging fiskeldis og ferðaþjónustu á svæðinu býður upp á mikil tækifæri.
 

Tálknafjarðarskóli leitar að metnaðarfullum, sjálfstæðum og drífandi starfsmönnum með mikla þekkingu og áhuga á skólastarfi. Í Tálknafjarðarskóla eru lausar til umsóknar eftirfarandi stöður:
 

Leikskólastig:

Tvær stöður leikskólakennara (100% starfshlutfall) 

 

Menntunar- og hæfniskröfur:

  • Kennaramenntun og réttindi til kennslu í leikskóla

  • Reynsla af kennslu á leikskólastigi

  • Góð íslenskukunnátta

  • Færni í að vinna í teymum og að fjölbreyttum verkefnum

  • Faglegur metnaður og ánægja af starfi með börnum

  • Frumkvæði og skipulögð vinnubrögð

  • Jákvæðni gagnvart skólaþróun

  • Góð hæfni í mannlegum samskiptum

 

Grunnskólastig:

Afleysingarstaða umsjónarkennara á mið- og elsta stigi grunnskóla til eins árs (100% starfshlutfall)

Kennari í list-og verkgreinum grunnskóla (50-100% starfshlutfall)

Stundakennari í stærðfræði/raungreinum/náttúrugreinum

 

Menntunar- og hæfniskröfur:

  • Kennaramenntun og réttindi til kennslu í grunnskóla

  • Reynsla af kennslu á grunnskólastigi

  • Færni í að vinna í teymi og að fjölbreyttum verkefnum

  • Faglegur metnaður og ánægja af starfi með börnum

  • Frumkvæði og skipulögð vinnubrögð

  • Jákvæðni gagnvart skólaþróun

  • Góð hæfni í mannlegum samskiptum

 

Leik- og grunnskólastig:

Staða leikskóla/skólaliða á leik- og grunnskólastigi (50% starfshlutfall)

Helstu verkefni og ábyrgð 

  • Að sinna gæslu barna á leik- og grunnskólaaldri

  • Aðstoða nemendur í leik og starfi og leiðbeina þeim í samskiptum

  • Vinna í eldhúsi í leik- og grunnskóla ss. undirbúningur og framreiðsla í matar- og kaffitímum, uppvask og frágangur

  • Að sinna öðrum verkum sem yfirmaður felur

Staða leikskóla/skólaliða með ræstingu á leik- og grunnskólastigi (50-100% starfshlutfall)

Helstu verkefni og ábyrgð 

  • Að sinna gæslu barna á leik- og grunnskólaaldri

  • Aðstoða nemendur í leik og starfi og leiðbeina þeim í samskiptum

  • Starfar við lengda viðveru

  • Sér um ræstingu á skólahúsnæði

  • Að sinna öðrum verkum sem yfirmaður felur

 

Menntunar- og hæfniskröfur leikskóla/skólaliða:

  • Nám fyrir leikskólaliða eða skólaliða er æskileg

  • Reynsla af starfi með börnum

  • Góð hæfni í mannlegum samskiptum og sveigjanleiki í starfi

  • Sjálfstæði og frumkvæði í vinnubrögðum

  • Góð íslenskukunnátta

 

Iðjuþjálfi á leik- og grunnskólastigi (50-100% starfshlutfall)

Helstu verkefni og ábyrgð

  • Vinna með nemendum sem búa við margvísleg fjölþætt vandamál

  • Gerð einstaklings- og hópáætlana fyrir nemendur og eftirfylgd með þeim

  • Starfar í teymi með foreldum og kennurum

  • Skipuleggur starf með nemanda í samráði við umsjónarkennara/leikskólakennara

 

Menntunar- og hæfniskröfur:

  • Háskólamenntun á sviði þroskaþjálfunar eða iðjuþjálfunar og starfsleyfi sem slíkur

  • Reynsla af starfi með börnum og unglingum með margvíslegan vanda

  • Lipurð í samskiptum, jákvæðni og sveigjanleiki í starfi

  • Faglegur metnaður

  • Frumkvæði og sjálfstæð vinnubrögð

  • Áhugi á að starfa í skapandi og metnaðarfullu umhverfi

  • Reynsla af teymisvinnu kostur

 

Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
 

Umsókn um starf skal fylgja skrá yfir menntun og starfsferil og afrit af leyfisbréfi ef við á, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila.
 

Umsókn sendist á skolastjori@talknafjordur.is. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.
 

Fólk af öllum kynjum er hvatt til að sækja um. Fáist ekki menntaður kennara í stöðu sem auglýst er, er heimilt að ráða annan í stöðuna og ræður hæfni umsækjanda þar um. Önnur uppeldismenntun og/eða reynsla er þá metin. Ráðið verður í stöðurnar frá 1. ágúst 2022.
 

Nánari upplýsingar um starfið veitir Birna Friðbjört S. Hannesdóttir, skólastjóri, í síma 456-2537, netfang: skolastjori@talknafjordur.is
 

Umsóknarfrestur er til og með 19.04 2022

Störf án staðsetningar - Samband íslenskra sveitafélaga

Samband íslenskra sveitarfélaga auglýsir tvö áhugaverð störf sérfræðinga sem eru óháð staðsetningu.
 

Sérfræðingur á kjarasviði.
Samband íslenskra sveitarfélaga leitar að einstaklingi í starf sérfræðings á kjarasviði sem hefur til að bera frumkvæði, hæfni í mannlegum samskiptum, nákvæmni í vinnubrögðum og getu til að vinna sjálfstætt og með öðrum að fjölbreyttum verkefnum.

Sérfræðingur á hag- og upplýsingasviði.
Samband íslenskra sveitarfélaga leitar að framsæknum sérfræðingi í efnahags- og fjármálum með reynslu af og þekkingu á gagnagrunnum og – vinnslu. Viðkomandi ber ábyrgð á þróun og rekstri gagnagrunna og greiningu gagna.


Allar nánari upplýsingar er að finna á heimasíðu sambandsins


Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón