1. sæti í Landsbyggðavinaverkefninu-Framtíðin er núna
Gaman er að segja frá því að verkefnið Hjólabrettapallur á Tálknafirði hlaut 1. verðlaunasætið ásamt verkefninu Hamingjudögum á Hólmavík í Landsbyggðavinaverkefninu – Framtíðin er núna. Að verkefninu standa nemendur úr 9. og 10. bekk skólans þær; Aníta Steinarsdóttir, Halldóra Aðalsteinsdóttir, Margrét Lilja Aðalsteinsdóttir og Þórunn María Jörgensdóttir.
Hjartanlega til hamingju með frábært verkefni !
Verðlaunaafhending fer fram í Norræna húsinu sunnudaginn 26. maí næstkomandi.
Skemmst er frá að segja að bæði verkefnið Hjólabrettapallur á Tálknafirði og verkefnið Jörðmynd sem tók einnig þátt í keppninni hafa sent inn erindi til sveitarstjórnar til þess að óska eftir aðstoð við að hrinda verkefninu í framkvæmd. Erindi beggja hópanna verður tekið til umræðu á næsta sveitarstjórnarfundi Tálknafjarðarhrepps sem haldinn verður þann 27. júní næstkomandi. Það verður því spennandi að fylgjast með framhaldinu.
Þátttaka í þessu verkefni er liður í að rækta markvisst þekkingu, leikni og viðhorf sem styrkir getu einstaklinga í framtíðinni til að verða gagnrýnir, virkir og hæfir þátttakendur í jafnréttis- og lýðræðissamfélagi. Lýðræði er einn af þeim grunnþáttum sem mynda kjarna menntastefnu landsins.
Tekið af vef Tálknafjarðarskóla.
Fleiri fréttir
Fundargerðir
- Fræðslu-,menningar-,íþrótta-, æskulýðsnefnd | 40. fundur 17. desember 2020
- Sveitarstjórn | 567. fundur 21. desember 2020
- Byggingar-,skipulags- og umhverfisnefnd | 50. fundur 8. desember 2020
- Atvinnu- og hafnarnefnd | 27. fundur 7. desember 2020
- Sveitarstjórn | 566. fundur 10. desember 2020
- Sjá allar fundargerðir