A A A

Hafsjór af hugmyndum

Nýsköpunarkeppnin Hafsjór af hugmyndum er spennandi tækifæri fyrir frumkvöðla  og háskólanema til að vinna að nýjum hugmyndum sem efla Vestfirskan sjávarútveg.
 

Fyrsta fyrirtækið sem við kynnum með myndbandi á vegum keppninnar er Oddi hf á Patreksfirði sem var stofnað 1967.  Oddi hefur í áratugi framleitt úrvals saltfisk undir merkinu OPO en á síðari árum hefur áherslan verið meira á frystan og ferskan fisk til útflutnings til Evrópu og Bandaríkjanna. Fyrirtækið hefur fylgst vel með tækniþróun og þróun á mörkuðum til að standast samkeppni á kröfuhörðum alþjóðamörkuðum. Aðalsmerki fyrirtækisins hefur verið hágæðaframleiðsla á fiski og hefur skapað sér sérstöðu á mörkuðum fyrir gæði.
 

Oddi hf gegnir mikilvægu hlutverki fyrir samfélagið í Vesturbyggð sem einn af stærri atvinnurekendum bæjarins og styrkir ýmiskonar félagsstarf í sveitafélaginu.
 

Þetta myndband er kjörið tækifæri til að kynnast því hvað Oddi hf stendur fyrir og vonandi kveikna hugmyndir að spennandi frumkvöðla verkefnum.

Myndband Odda hf:  https://www.youtube.com/watch?v=2lIfuB7Up-A&t=2s
 

Hér er hægt að kynna sér verkefnið nánar: https://www.vestfirdir.is/is/verkefni/hafsjor-af-hugmyndum
 

Verkefnið fékk styrk frá Uppbyggingarsjóði sem hluti af Sóknaráætlun og er unnið í samstarfi við Vestfjarðastofu og Nýsköpunarmiðstöð Íslands.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón