Kjörstjórn hefur ákveðið að nýta sér heimild til að vera með færanlegan kjörstað. Eigi kjósandi erfitt með að mæta á kjörstað getur hann óskað eftir færanlegum kjörstað. Íbúar í dreifðari byggðum, sjúkrastofnanir, stærri vinnustaðir og fjölmennir viðburðir geta einnig óskað eftir færanlegum kjörstað.
 

Stað- og tímasetning færanlegs kjörstaðar verður auglýst með a.m.k. fimm daga fyrirvara á vefsíðum Tálknafjarðarhrepps og Vesturbyggðar og á síðunni vestfirdingar.is
 

Beiðni um færanlegan kjörstað þarf að berast fyrir opnun kjörstaða kl. 10:00 þann 9. október 2023.
 

Kjósendur í Tálknafjarðarhreppi geta sent beiðni á netfangið sameining@talknafjordur.is eða hringt á skrifstofu sveitarfélagsins í síma 450-2500.
 

Kjósendur í Vesturbyggð geta sent beiðni á netfangið sameining@vesturbyggd.is eða hringt á skrifstofu sveitarfélagsins í síma 450-2300

Íbúafundur Tálknafjörður

Fjórir íbúafundir verða haldnir dagana 3. - 5. október nk. þar sem fjallað verður um tillögu um sameiningu Tálknafjarðarhrepps og Vesturbyggðar í eitt sveitarfélag. Á fundunum verður farið yfir kosningafyrirkomulagið og kynnt álit og stöðugreining samstarfsnefndar um sameiningu Tálknafjarðarhrepps og Vesturbyggðar. Að lokum verður opnað fyrir spurningar.

Í dag, 4. október verður fundað í íþróttamiðstöðinni á Tálknafirði kl. 20:00
 

Íbúar eru hvattir til að mæta á fundinn og kynna sér tillögu um sameiningu Tálknafjarðarhrepps og Vesturbyggðar í eitt sveitarfélag ásamt því að spyrja spurningar um sameiningartillöguna.

Hægt verður að horfa á fundinn í beinni útsendingu á
Facebook síðu Tálknafjarðarhrepps.

 https://www.vestfirdingar.is

Vegna íbúafundar um sameiningarkosningar mun Íþróttamiðstöð Tálknafjarðar loka kl. 17:00 miðvikudaginn 4. október 2023. Íbúafundurinn hefst kl 20:00 um kvöldið og Íþróttamiðstöð opnar aftur á venjulegum tima, kl. 09:00, fimmtudaginn 5. október 2023.

Íbúafundir Vesturbyggð

Fjórir íbúafundir verða haldnir dagana 3. - 5. október nk. þar sem fjallað verður um tillögu um sameiningu Tálknafjarðarhrepps og Vesturbyggðar í eitt sveitarfélag. Á fundunum verður farið yfir kosningafyrirkomulagið og kynnt álit og stöðugreining samstarfsnefndar um sameiningu Tálknafjarðarhrepps og Vesturbyggðar. Að lokum verður opnað fyrir spurningar.

Í dag, 3. október verður fundað á Birkimel á Barðaströnd kl.16:00 og í Patreksskóla á Patreksfirði kl. 20:00

Íbúar eru hvattir til að mæta á fundina og kynna sér tillögu um sameiningu Tálknafjarðarhrepps og Vesturbyggðar í eitt sveitarfélag ásamt því að spyrja spurningar um sameiningartillöguna. 

Hægt verður að horfa á fundina í beinni útsendingu á Facebook síðu Vesturbyggðar.

https://www.vestfirdingar.is

Á fundi sveitarstjórnar þann 26. september 2023 samþykkti nefndin að grenndarkynna áform við varðandi framkvæmdir á Dunhaga.

Eftirfarandi var bókað:

"Tillaga skipulagsnefndar Tálknafjarðarhrepps við sveitarstjórn að áform um að lengja þak á húsinu Dunhaga verði grenndarkynnt og fái málsmeðferð skv. 44. gr. skipulagslaga nr. 123/2010. Mál frá 10. fundi umhverfis- og byggingarnefndar Tálknafjarðarhrepps sem fór fram 16.08.2023 og 12. fundi skipulagsnefndarTálknafjarðarhrepps sem fór fram 19.09.2023.

Sveitarstjórn samþykkir samhljóða tillögu skipulagsnefndar um að áform um að lengja þak á húsinu Dunhagaverði grenndarkynnt og fái málsmeðferð skv. 44. gr. skipulagslaga nr. 123/2010."

Áformin ganga út á lengja þak á húsinu Dunhaga um 2,1 m þannig að það nái yfir viðbyggingu á suðausturgafli. Á gaflinn koma gluggar og hurðir sem verður flóttaleið úr sal á 2. hæð.

Frestur til að skila athugasemdum og ábendingum eru 4 vikur er til og með 2. nóvember 2023. Litið verður svo á að þeir sem ekki gera athugasemdir séu samþykkir fyrirhuguðum áformum.
 

Nánari upplýsingar eru veittar á skrifstofu Tálknafjarðarhrepps eða í síma 450 2500 á opnunartíma skrifstofunnar. Fyrirspurnir má einnig senda á netfangið talknafjordur@talknafjordur.is.

Grenndarkynningargögn:

 Erindi (.pdf)
 Útlit (.pdf)
 Grunnmyndir, sneiðing og afstaða (.pdf)
 

Skipulagsfulltrúi Tálknafjarðarhrepps

Óskar Örn Gunnarsson

Fjórir íbúafundir verða haldnir 3. - 5. október nk. þar sem fjallað verður um tillögu um sameiningu Tálknafjarðarhrepps og Vesturbyggðar í eitt sveitarfélag. Á fundunum verður farið yfir kosningarfyrirkomulagið og kynnt álit og stöðugreining samstarfsnefndar um sameiningu Tálknafjarðarhrepps og Vesturbyggðar. Að lokum verður opnað fyrir spurningar.
 

Fundirnir verða sendir út rafrænt og geta þeir sem horfa á fundina einnig sent inn spurningar og tekið virkan þátt á fundinum.
 

Í júní voru haldnir íbúafundir þar sem kynnt voru drög að stöðugreiningu og forsendum fyrir sameiningu og í framhaldinu fengu fundargestir tækifæri á að móta frekar stöðugreininguna og forsendur sameiningar. Kynningin á þessum fundi er meðal annars afrakstur frá þeim fundum.  Íbúafundirnir heppnuðust einstaklega vel og nú á að endurtaka leikinn.
 

Íbúar eru hvattir til að mæta og láta sína skoðun í ljós. 

• Birkimelur á Barðaströnd, þriðjudaginn 3. október kl. 16:00
• Patreksskóli á Patreksfirði, þriðjudaginn 3. október kl. 20:00
• Íþróttamiðstöðinni á Tálknafirði, miðvikudaginn 4. október kl. 20:00
• Baldurshaga á Bíldudal, fimmtudaginn 5. október kl. 20:00

Hér má nálgast forsendur og stöðugreiningu fyrir sameiningu sveitarfélaganna
 

Hér má nálgast kynningarbækling er sendur var í hús um sameiningarkosningarnar er fara fram 9. - 28. október nk.