A A A

Auglýsing: Breyting á Aðalskipulagi, skipulagslýsing

Sveitarstjórn Tálknafjarðarhrepps samþykkti á fundi sínum þann 2. maí 2016 skipulagslýsingu vegna breytingar á Aðalskipulagi Tálknafjarðarhrepps dags. 4. apríl 2016.

 

Um er að ræða breytingu á landnotkun á jaðarsvæðum í þéttbýli Tálknafjarðar. Hlíðar ofan byggðar, lækjarfarvegir, gil, árbakkar, fjörur og strandsvæði eru skilgreindar sem opið svæði til sérstakra nota í staðinn fyrir óbyggð svæði. Mörk þéttbýlis eru einnig stækkuð til austurs.

Fyrirhuguð er einnig stækkun hafnarsvæðis á Tálknafirði en aukin umsvif vegna fiskeldis og aukin eftirspurn eftir lóðum á hafnarsvæði kalla á stækkun hafnarsvæðisins og aukna landfyllingu.

Helstu forsendur fyrir breytingunni er að víkka út möguleika til mannvirkjagerðar í útjaðri þéttbýlis í Tálknafirði hvort sem er til útivistar eða ofanflóðavarna sem og aukið athafnarými á hafnarsvæði Tálknafjarðar..

 

Skipulagslýsinguna má sjá hér: Lýsing á skipulagsverkefni (.pdf)  

Einnig má nálgast skipulagslýsinguna á skrifstofu Tálknafjarðarhrepps að Strandgötu 38.

 

Íbúar og hagsmunaaðilar geta sent inn ábendingar varðandi viðfangsefni og markmið

skipulagsins. Ábendingar má senda á skrifstofu Tálknafjarðarhrepps, Strandgötu 38, 460

Tálknafirði eða á netfangið talknafjordur@talknafjordur.is fyrir 23. maí 2016.


Sveitarstjórnarfundur

497. fundur Hreppsnefndar Tálknafjarðarhrepps verður haldinn að Strandgötu 38, Tálknafirði, mánudaginn 2. maí 2016 og hefst kl. 17:00.

Sjá fundarboð hér (.pdf)
  
                        Sveitarstjóri

Yfirflokkstjóri og flokksstjórar hjá Vinnuskóla Tálknafjarðahrepps

Yfirflokksstjóri

Tálknfjarðarhreppur leitar eftir kröftugum, áhugasömum, skipulögðum og skemmtilegum einstaklingi til starfa í vinnuskóla. Í starfinu felst að skipuleggja sumarstarfið hjá Vinnuskóla í samstarfi við áhaldahús og frístundafulltrúa, taka á móti skráningum, leiðbeina flokksstjórum og nemendum og vera í samskiptum við foreldra barna og unglinga.

 

Yfirflokkstjóri er næsti yfirmaður flokksstjóra. Vinnuskólinn stendur yfir frá 6. júní – 31. júlí.

 

Við leitum að einstaklingi sem er

  • 20 ára eða eldri
  • með hreint sakavottorð
  • hefur reynslu af starfi með börnum og unglingum eða aðra reynslu sem nýtist í starfi
  • er reyklaus
  • skipulagður og áhugasamur
  • er tilbúinn til þess að starfa með börnum og unglingum og sýna þeim virðingu og tillitssemi

Flokksstjórar

Tálknafjarðarhreppur óskar eftir að ráða einstaklinga sem eiga gott með að vinna með öðrum, hafa frumkvæði, eru góðar fyrirmyndir, stundvísir, metnaðarfullir og samviskusamir. Starf flokkstjóra felst í að vinna með ungmennum, aðallega í umhirðu grænna svæða sveitarfélagsins og ýmsu öðru skemmtilegu.

 

Auglýst er eftir bæði körlum og konum, ungum og eldri. Æskilegt væri að viðkomandi væri 20 ára eða eldri.

 

Umsóknarfrestur er til og með 13. maí.

 

Um laun fer samkvæmt gildandi kjarasaminingum.

 

Áhugasöm vinsamlega hafið samband við Elsu Reimarsdóttur í síma 4502300 eða sendið tölvupóst til elsa@vesturbyggd.is 

Sveitarstjórnarfundi frestað

497 fundi sveitarstjórnar, sem vera átti á þriðjudag hefur verið frestað um óákveðinn tíma. Fundurinn verður auglýstur síðar.

Sveitarstjóri

Jazzballett fyrir byrjendur

 

ÍÞRÓTTAHÚSINU PATREKSFIRÐI DAGANA 27. – 29. MAÍ

Danssmiðja Danslistarskóla JSB.  Jazzballett fyrir byrjendur.

Skemmtilegt og fjölbreytt dansnámskeið sem veitir nemendum innsýn í listdansformið jazzballett. Dans-, leik- og sköpunargleði í fyrirrúmi.

  • HÓPUR 6-9 ÁRA

            Kennt frá kl.14:30 – 16:00 föstudaginn 27.maí og kl.11:30 – 13:00  

            laugardaginn 28.maí og sunnudaginn 29.maí. Samtals 3x 90 mín. 

            kennslustundir. Verð: 8900 kr.

  • HÓPUR 10 ÁRA OG ELDRI

            Kennt frá kl.16:00 – 17:30 föstudaginn 27.maí og kl.13:00 – 14:30 

            laugardaginn 28.maí og sunnudaginn 29.maí. Samtals 3x 90 mín.    

            kennslustundir. Verð: 8900 kr.

  • HÓPUR 3-5 ÁRA

           Kennt frá kl.17:30 – 18:20 föstudaginn 27.maí og kl.14:30 – 15:20               

           laugardaginn 28.maí og sunnudaginn 29.maí. samtals 3 x 50 mín.  

           kennslustundir. Verð: 5.900 kr.

 

Kennari er Sandra Ómarsdóttir, listdanskennari hjá Danslistarskóla JSB, Skráning og nánari upplýsingar í síma 5813730 eða á netfangið sandra@jsb.is

Sveitarstjórnarfundi frestað

Fundi sveitarstjórnar sem vera átti þann 19. apríl verður frestað til 26. apríl.

 

Oddviti


Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón