« 1 af 2 »

Tveir spennandi fyrirlestrar eru á döfinni í ágúst:
 

23. ágúst. Gengið í fótspor formæðra- og feðra - Gönguleiðir á Barðaströnd. Elva Björg Einarsdóttir fjallar um væntanlega bók sína um gamlar og nýjar gönguleiðir á Barðaströnd. Fyrirlesturinn hefst kl. 15:00 á Minjasafninu.

30. ágúst. Hvernig var hér fyrir 12 milljón árum? Geta steingervingar sagt okkur hvernig loftslag og gróðurfar var hér fyrir milljónum ára síðan? Hákon Ásgeirsson landvörður ætlar að segja frá því hvað hægt er að lesa úr steingerðum plöntuleifum í náttúruvættinu Surtabrandsgili. Fyrirlesturinn hefst kl. 15:00 á Minjasafninu.

Allir velkomnir – sjáumst!

Hvað leynist djúpt í íslenskum frumskógi þar sem ekki nægir að standa upp til að rata til baka? Þar er falinn fjarsjóður fjölbreytts náttúruminja og lífríkis og jafnvel eitthvað sem þig langar að skoða betur? t.d. stórkostlegir fossar, burknar eða völuberg.
 
Landverðir ætla að bjóða upp á gönguferð inn með Vatnsdalsvatni laugardaginn 22. ágúst. Mæting er við Hótel Flókalund kl. 13:00, þar verður sameinast í bíla og ekið að upphafi gönguleiðar. Mikilvægt er að klæða sig eftir veðri, vera í góðum skóm og hafa með sér vatn og nesti. Gangan er miðlungs létt og tekur um 4 klst. Nánari upplýsingar í síma 822-4080.

Hlökkum til að sjá ykkur
Landverðir

Byggingarframkvæmdir við Bugatún

Borholutoppur hitaveitu við Pollinn

Hitaveitulögn á leið í þorpið

« 1 af 3 »

Mikill íbúðaskortur hefur verið viðvarandi á sunnanverðum Vestfjörðum, sem hlýst m.a. af mikilli uppbyggingu laxeldis á svæðinu. Fasteignafélagið 101 Tálknafjörður ehf. ákvað að bæta úr þessum íbúðaskorti með byggingu  íbúða.

Fyrsta sökkulsteypa vegna bygginga raðhúsaeininga,við Bugatún,var steypt í gær, mánudaginn 17. ágúst á Tálknafirði. Húsin eru byggð af Fasteignafélaginu 101 Tálknafjörður ehf.

Um er að ræða tvö 300m2 parhús með bílskúr. Hver íbúð eru 94m2. Fyrsti áfangi er að byggja tvisvar sinnum tvö íbúðarhús, sem stefnt er að útibyrgja fyrir áramót. Ætlunin er að klára seinni helming húseiningana á næsta ári.

Húsin verða fyrstu íbúðarhúsin í Tálknafirði sem tengd verða við hitaveitu. En nýstofnuð Hitaveita Tálknafjarðar hefur unnið að þvi að leggja stofnlögn inn í þorpið frá Pollinum, en þar er um 33sec. ltr  af 45° heitu vatni. Nú er unnið að því að kaupa eina stóra varmadælu sem mun nýta umrætt vatn og tryggja um 70° heitt vatn til húshitunar í Tálknafirði. Gert er ráð fyrir að raforkunotkun til húshitunar muni lækka um 70 - 80% þegar varmadælan hefur verið tengd.

Uppbygging á hitaveitu í Tálknafirði er afar merkileg þar sem notast á við varmadælu fyrir heilt þorp, það hefur ekki verið gert hér á landi, en þekkist víða erlendis.

MÓH

Kæru gestir íþróttamiðstöðvarinnar,
 

Síðasti dagur sumaropnunar verður laugardaginn, 15.ágúst. Vetraropnun tekur við sunnudaginn 16.ágúst og verður eftirfarandi: 

Mánudaga 07:00 – 12:00 og 16:00 – 21:00
Þriðjudaga 08:00 – 12:00 og 16:00 – 21:00
Miðvikudaga 07:00 – 12:00 og 16:00 – 21:00
Fimmtudaga 08:00 – 12:00 og 16:00 – 21:00
Föstudaga 07:00 – 12:00 og 16:00 – 20:00
Laugardaga 13:00 – 15:00
Sunnudaga 13:00 – 15:00

Breytingar gætu orðið á opnunartíma á næstu vikum og mun það vera auglýst á facebook síðu íþróttamiðstöðvarinnar.
 

Hlökkum til að sjá ykkur.

Miðvikudaginn 12. ágúst n.k.  verður Sigríður Inga dýralæknir stödd hér á Tálknafirði. Sigríður verður með aðstöðu í áhaldahúsinu milli klukkan 16:30 og 18:00. Hægt er að hafa samband við Sigríði með sms í síma: 861-4568 til 9. ágúst eða hringja í hana eftir 9. ágúst. Hún verður erlendis til 10. ágúst.

Felldar verða niður ferðir flutningabíla bæði vestur og suður 31. júlí næstkomandi (föstudagur fyrir Verslunarmannahelgi). Vörur sem koma á stöðvarnar á fimmtudaginn verða til afgreiðslu á föstudaginn. Lokað verður laugadaginn 1. ágúst og mánudaginn 3.ágúst. Endilega munið eftir smellugasinu fyrir helgina. Opið á föstudaginn frá kl 09.00-12.00 og frá kl 13.00- 16.00.
 

Nanna ehf- Vöruflutningar
Flytjandi og Landflutningar