Ljósmynd: Ásgeir Jónsson

Snjóflóðið sem féll úr Geitárhorni í fyrrakvöld hefur verið í fréttum að undanförnu. Umrætt flóð sem sem féll er nokkuð stórt miðað við það sem komið hefur úr Geitárhorni áður. Þó var stærð þess ekki það mikil að einhver hætta gæti skapast.
 

Neðangreind frétt er tekin af veður.is  
    

Snjóflóð féll í gærkvöld úr Geitárhorni á Tálknafirði. Það náði niður að skógrækt. Seinnipartinn í gær var mjög slæmt veður á svæðinu með snjókomu og skafrenningi. Ofankoman stóð þó fremur stutt yfir og ekki mældist mikil úrkoma á Tálknafirði, eða 4 mm. Við tók hvöss suðlæg átt með skafrenningi til fjalla.
 

Snjóflóðavakt Veðurstofunnar fylgdist grannt með þróun mála og veðrinu í gær. Ekki var gefið út óvissustig fyrir sunnanverða Vestfirði sökum þess hversu stutt var búist við að versta veðrið stæði, og sunnanátt er talin hreinsa úr þeim fjöllum sem helst þarf að fylgjast með ofan við byggð, þar á meðal Geitárhorninu á Tálknafirði og fjallinu ofan Patreksfjarðar. Einnig var eldri snjór talinn orðinn nokkuð stöðugur samkvæmt niðurstöðum prófana. Óvissustigi er lýst yfir ef staðan er metin þannig að hætta geti skapast í byggð ef veðurspá gengur eftir. Óvissustigi er ekki lýst yfir þótt búist sé við flóðum sem geti náð niður á vegi eða minni flóðum ofan byggðar.
 

Flóðið úr Geitárhorni er talið hafa fallið í nýja snjónum sem safnaðist í fjallið í gær. Það hefur líklega fallið um það bil sem úrkoman hætti í gærkvöldi, hugsanlega þegar hlýnaði aðeins, en þekkt er að hlýnun getur komið flóðum af stað þótt hiti fari ekki yfir frostmark í upptökum. Flóðið fór óvenjulangt á þessum stað sem kom heldur á óvart miðað við aðstæður en það stöðvaðist þó vel ofan byggðar og ógnaði henni ekki. Það var blautt þar sem það kom niður og hefur líklega farið frekar hægt yfir.
 

Sveitarstjóri

Tálknafjarðarhreppur auglýsir eftir starfsmanni í félagslega heimaþjónustu og ræstingar á skrifstofu Tálknafjarðarhrepps. Um tímavinnu er að ræða.

Laun eru eftir kjarasamningum FOS-VEST.

Umsóknarfrestur til 23. mars 2015

Vinsamlega hafið samband við Elsu Reimarsdóttur, félagsmálastjóra varðandi nánari upplýsingar um starfið, í síma 450 2300 eða með tölvupósti elsa@vesturbyggd.is.

Félagsmálastjóri er með viðtalstíma á skrifstofu Tálknafjarðarhrepps á þriðjudögum, sími 456 2538.

Aðalskrifstofa félagsþjónustunnar er að Aðalstræti 75, Patreksfirði, sími 450 2300.

Tálknafjarðarhreppur auglýsir eftir starfsmanni í íþróttamiðstöð. Um vaktavinnu er að ræða. Starfsmaður mun sinna m.a laugagæslu og þarf því að standast hæfnispróf  sbr.III. viðauka reglugerðar nr.814/2010 um hollustuhætti á sund-og baðstöðum. Bent er á að prófið verður haldið í byrjun júní.

Launakjör skv. kjarasamningi FosVest og LN sveitarfélaganna.
 

Umsóknum skal skilað á skrifstofu Tálknafjarðarhrepps á þar til gerðum eyðublöðum, sem hægt er að nálgast þar og á vefsíðu sveitarfélagsins.
 

Umsóknarfrestur er til 10. apríl 2015.
 

Ef nánari upplýsinga er óskað, vinsamlega hafið samband.í síma 456-2531 eða sveitarstjori@talknafjordur.is

Sveitarstjóri

Opinn kynningarfundur verður  þriðjudaginn 24. febrúar kl. 20 í húsnæði Fjölbrautaskóla Snæfellinga, Aðalstræti 53 á Patreksfirði.
 

Starfsmenn framhaldsdeildarinnar ásamt skólameistara  Fjölbrautaskóla Snæfellinga  kynna starfsemi skólans.
 

Foreldrar/forráðamenn unglinga í Vesturbyggð og Tálknafjarðarhreppi eru sérstaklega boðaðir á fundinn sem er öllum opinn.

Dagskrá

1. Almennt um FSN  
2. Almennt um framhaldsdeildina                      
3. Námsframboð – Nýjar námsbrautir  
4. Kennsluhættir-Námsmat                       
5. Umræður í hópum um starfsemi framhaldsdeildarinnar
   1. Hvað hefur tekist vel
   2. Hvað má betur fara
   3. Eru einhverjar ógnanir sem steðja að
   4. Hvaða tækifæri  eru í stöðunni
   5. Samantekt

Skólameistari

Jón Eggert Bragason

Búið er að stækka líkamsræktina í Íþróttahúsinu.
Mörg ný tæki eru komin og verðu stöðin opnuð á morgun kl 10. En sundlaugin og líkamsræktin verða opin á morgun frá kl 10 til 17. Frítt verðu í sund og tæki á morgun.

sveitarstjóri

Tálknafjarðarheppur óskar eftir tilboðum í slátt á afmörkuðum opnum svæðum sveitarfélagsins.

Tilboðsgögn er hægt að nálgast  á skrifstofu sveitarfélagsins sem og hér: 

Útboðsgögn: Sláttur og hriðing 2015-2018 (.doc)
Útboðsgögn: Sláttur og hriðing 2015-2018 (.pdf)
Sjá einnig: Afstöðumynd sláttursvæða (.pdf)

Tilboðum skal skilað í lokuðu umslagi á skrifstofu Tálknafjarðarhrepps, Miðtúni 1, Tálknafirði, þannig merktu :  „Sláttur og hirðing 2015-2018“ fyrir kl. 10:00 mánudaginn 23.apríl 2015 og verða þau opnuð þar kl. 10:15 þann sama dag, að viðstöddum þeim bjóðendum sem þess óska.

                                   Sveitarstjóri