Það eru vinsamleg tilmæli til allra sem ganga til berja í landi Tálknafjarðar að nota ekki berjatínur í Tungufelli.
Ástæðan er að Tungufellið hentar vel til berjatínslu fyrir þá sem eiga erfitt með gang og komast síður annað til að tína ber.
Sveitarstjóri
Tálknafjarðarhreppi stendur til boða að taka þátt í hinni vinsælu spurningakeppni sveitarfélaganna, Útsvari, sem hefur verið í beinni útsendingu á RÚV í sjö vetur undir stjórn Sigmars Guðmundssonar og Þóru Arnórsdóttur. Indriði Indriðason sveitarstjóri leitar nú logandi ljósi að síðasta keppandanum í þriggja manna lið hreppsins, en hann þarf að skila nöfnum keppenda í næstu viku.
„Við erum búin að fá mjög margar góðar tilnefningar, erum komin með einn öruggan í liðið og vilyrði frá öðrum, svo okkur vantar ennþá einn til viðbótar og ég vil helst fá konu í það sæti. Mín hugmynd var sú að hafa bara konur í liðinu, eða að minnsta kosti í meirihluta, en það hefur bara gengið mjög erfiðlega að fá þær til þátttöku. Mér hefur þótt leiðinlegt að sjá að í öllum liðum nema einu eða tveimur held ég er annað hvort bara ein kona eða engin,“ segir Indriði. Hann hvetur því konur til að hafa samband ef þær hafa áhuga á því að taka þátt í keppninni.
Þess má geta að í að minnsta kosti tveimur liðum sem send hafa verið fyrir hönd Ísafjarðarbæjar í keppnina hafa verið konur í meirihluta. Veturinn 2007-2008 voru Ólína Þorvarðardóttir, Ragnhildur Sverrisdóttir og Halldór Smárason í liðinu og 2010-2011 voru það Jóna Símonía Bjarnadóttir, Ólafur Halldórsson og Guðný Harpa Henrýsdóttir.
Frétt tekin af: bb.is
RUV hefur haft samband við sveitarstjora og tilkynnt að Talknafjarðarhrepp standi til boða að taka þátt i Útsvari i sjónvarpinu á komandi vetri.
Uppfært 12. ágúst:
Sveitarstjóri óskar eftir tilnefningum í lið Tálknafjarðarhrepps í Útsvar á komandi vetri. Vinsamlega hafið samband við skrifstofu ef þið eruð með einhverjar tilnefningar. Það þarf að skila inn nöfnum á keppendum í útsvar í lok þessarar viku.
Lokað verður fyrir vatnið á morgun fimmtudaginn 1. ágúst vegna viðgerða á neysluvatnlögn. Lokunin stendur frá kl. 8:00 og frameftir degi. Lokunin nær yfir Miðtún, Bugatún og Strandgötu að hluta. (Standgata milli Hrafnadalsvegar og Lækjargötu)
Guðni, sími: 869-0918
Björgunarsveitin Tálkni þakkar öllum þeim sem gáfu vinninga í happdrættið og ekki síður öllum þeim sem keyptu miða hjá okkur.
Kærar þakkir fyrir frábæran stuðning.
Vinninga skal vitja hjá Lilju Magnúsdóttur í síma 895-2947,
netfang: liljam@centrum.is
Hér má skoða lista yfir vinninga í happdrætti Björgunarsveitarinnar Tálkna, Tálknafirði 2013: Vinningaskrá (.pdf)
Í tilefni afmælishátíðar Safnsins á Hnjóti ætla landverðir að taka á móti krökkum sunnudaginn 28. júlí kl. 15:00 og kynna þeim starf sitt, fræða þá um náttúruna og fara í skemmtilega leiki. Farið verðu út að skoða náttúruna og er því mælst til að allir klæði sig eftir veðri. Foreldrar eru hvattir til að vera með! Gert er ráð fyrir að vera í eina klukkutund.
Hlökkum til að sjá ykkur
Landverðir
