Í Tálknafjarðarhreppi er mikið um að lóðaleigusamningar við hreppinn séu útrunnir. Einnig vantar heildarmynd á lóðafyrirkomulag í þorpinu til þess að hægt sé að deiliskipuleggja. Vegna þessa hafa verið unnin drög að nýjum lóðablöðum fyrir þorpið fyrir endurnýjun lóðaleigusamninga. Í einhverjum tilfellum geta  stærðir og lega á lóðum breyst frá því sem var í gömlum samningum. Þess vegna hvetjum við íbúa að taka þátt í mótun sinna lóða og hafa samband við byggingarfulltrúa á skrifstofu Tálknafjarðarhrepps Miðtúni 1 milli kl 13:00 og 15:00 þann 11. og 18. apríl nk.
 

Drög að lóðafyrirkomulagi má finna á vef Tálknafjarðar og hjá byggingarfulltrúa á ofangreindum tímum.
 
Sjá nánar: Drög að lóðalegu (.pdf)

Ármann Halldórsson

Skipulags –og byggingarfulltrúi

Breyting á aðalskipulagi Tálknafjarðarhrepps 2006-2018 vegna afmörkunar vatnsverndar, jarðborun og reiðleiðir í Tálknafirði
 

Hreppsnefnd Tálknafjarðarhrepps samþykkti á fundi þann 20.mars 2013 tillögu að breytingu á aðalskipulagi Tálknafjarðarhrepps 2006-2018. Tillagan og meðfylgjandi umhverfisskýrsla var auglýst frá 4. desember 2012 til 16. janúar 2013. Umsagnir bárust frá Minjastofnun, Heilbrigðiseftirliti Vestfjarða, Siglingastofnun, Orkustofnun, Vegagerðinni, Umhverfisstofnun og Skipulagsstofnun. Umsagnir gáfu ekki tilefni til þess að breyta auglýstri tillögu en brugðist hafði verið við umsögnum áður en tillaga var auglýst. Einnig bárust athugasemdir frá Dýrfiski. Orðið var við athugasemdunum og búið er að svara  þeim sem þær gerðu. Minniháttar breytingar voru gerðar á auglýstri tillögu sem gáfu ekki tilefni til þess að endurauglýsa tillöguna og hefur hún verið send Skipulagsstofnun til staðfestingar. Þeir sem óska nánari upplýsinga geta snúið sér að byggingarfulltrúa Tálknafjarðarhrepps.

Ármann Halldórsson byggingarfulltrúi

Það fæðist enginn ræðumaður, ekki frekar en altalandi, en hvort tveggja lærist! POWERtalk á Íslandi stendur fyrir ræðunámskeiði 12 – 13 apríl næstkomandi. Námskeiðið er í þrem hlutum þar sem farið verður í grunnatriðin í ræðumennsku; uppbyggingu ræðu, framkomu í ræðustól, raddbeitingu og líkamstjáningu.

Námskeiðið verður haldið í fundarsalnum í félagsheimili Patreksfjarðar.

Kórar Tálknafjarðar- og Bíldudalskirkna munu syngja við messu í Dómkirkjunni sunnudaginn 14. apríl kl. 11:00.
 
Organisti og kórstjóri er Marion Worthmann. Sr. Leifur Ragnar Jónsson predikar, sr. Karl V Matthíasson og sr. Sveinn Valgeirsson þjóna fyrir altari.

Messukaffi í safnaðarheimili Dómkirkjunnar að messu lokinni. Allir hjartnalega velkomnir.

Á námskeiðinu verður fjallað um undirstöðuatriði jarðgerðar/safnhaugagerðar. Fjallað verður um hvaða hráefni er hægt að nýta til jarðgerðar og æskileg blöndunarhlutföll þeirra. Námskeiðið er opið öllum og engrar undirstöðuþekkingar er krafist.
 
Námskeiðið er frítt fyrir íbúa Vesturbyggaðar og Tálknafjarðarhrhrepps og ætlað öllum þeim sem áhuga hafa á endurnýtingu lífrænna afurða sem til falla á heimilum og görðum.  
Kennt sunnudaginn 14. apríl kl. 13:00 - 18:00.

Ferðaskrifstofan Westfjords Adventures óskar eftir starfsfólki í sumar.
 
Um er að ræða bílstjóra, leiðsögufólk og starfsfólk í ferðamannamiðstöð Westfjords Adventures.