A A A

Fjölbrautaskóli Snæfellinga auglýsir lausa stöðu

Fjölbrautaskóli Snæfellinga auglýsir eftirfarandi stöðu:


Starfsmaður framhaldsdeildar FSN á Patreksfirði, 75% staða. Laun greiðast samkvæmt kjarasamningi SFR og ríkisins.


Fjölbrautaskóli Snæfellinga er framhaldsskóli með áfangasniði þar sem í boði eru stúdentsbrautir, almenn námsbraut og starfsbraut. Skólinn er með framhaldsskóladeild á Patreksfirði. Helstu áherslupunktar í kennsluháttum skólans eru nýting upplýsingatækni í skólastarfi, fjölbreyttar verkefnamiðaðar kennsluaðferðir og margs konar námsmat með sérstakri áherslu á leiðsagnarmat.

...
Meira

Upphaf skólastarfs í FSN

Upphaf skólastarfs í FSN haustönn 2012.

 

Nýnemar (nemendur sem útskrifuðust úr 10. bekk grunnskóla nú í vor):

Nýnemar mæta á sérstakan kynningardag – nýnemadag – föstudaginn 17. ágúst kl. 10:00. Þar verður farið yfir helstu þætti skólastarfsins. Þeir nemendur sem eiga fartölvur eru beðnir um að koma með þær. Gert er ráð fyrir að dagskrá nýnemadags ljúki um kl. 14:00.

Rútur frá Bíldudal kl. 9:30 og Tálknafirði kl. 9:40. Heimferð kl. 14:00 frá framhaldsdeildinni á Patreksfirði.

 

Stundatöfluafhending/birting verður 17. ágúst kl. 11:00 – 12:30.

 

Skólasetning og fyrsti kennsludagur á haustönn 2012 er miðvikudagurinn 22. ágúst kl. 8:30. Að lokinni skólasetningu hefst kennsla samkvæmt stundatöflu.

 

Töflubreytingar verða 23.-29. ágúst.

 

Enn eru nokkur pláss laus fyrir nemendur sem vilja stunda nám við Fjölbrautaskóla Snæfellinga.


Leikskólinn opnar 21. ágúst

Iðnaðarmenn vinna a kappi þessa dagana að sköpun leikskólans á nýjum stað. Eins og sést á myndinni, er búið að opna gamla innganginn á fyrstu byggingunni til að leikskólabörnin komist beint í trjágarðinn sem verður aðalleiksvæðið þeirra. Búð er að setja upp stóran trépall og skjólvegg fyrir útileiki og útiverkefni og svo mun leiksvæðið þróast smátt og smátt í vetur. Markmiðið er að fá foreldra, kennara og annað áhugafólk um skólamál í hugmyndavinnu um þessa þróun og fá sérfræðinga í óhefðbundnum leiksvæðum í lið með okkur.
 

Jafnframt er verið að gera góð salerni og skiptiaðstöðu ásamt fatahólfum og öðru sem fylgir smáfólkinu okkar og innan dyra fær leikskólinn gott rými. Á skólasetningardeginum 22. ágúst verður hægt að skoða hina nýju aðstöðu leikskólans og munu uppkomnir Tálknfirðingar án efa kannast við stofurnar sem eitt sinn voru skólarými, eldhús og mötuneyti, urðu því næst geymslur, tónlistarskóli og fleira en er nú fullbúinn leikskóli.
 
Frétt tekin af: hjalli.is/talknafj

Skólasetning 22. ágúst og skóladagatal

Fyrsti skóladagur Tálknafjarðarskóla er miðvikudagurinn 22. ágúst og verður skólinn settur kl 13 í íþróttahúsinu.

Von okkar er að nemendur og foreldrar fjölmenni að setningu þar sem hátíðablær mun ráða ríkjum, nemendur verða  með skemmtiatriði og foreldrafélagið býður stórum sem smáum upp á hressingu.
 

Að skólasetningu lokinni er foreldrum boðið að fylgja börnum  sínum í stofu til að hitta kennarann og skoða bæði skólann og leikskólann sem þá verður tekinn til starfa innan sömu veggja og grunnskólinn - allur Tálknafjarðarskóli undir einu þaki :)
 

Hér má finna skóladagatal komandi skólaárs.

Frétt tekin af: hjalli.is/talknafj

Sjóræningjaskóli opnar á Patreksfirði

Laugardaginn 4. ágúst klukkan 13 verður nýstárlegur skóli opnaður á Patreksfirði, nánar tiltekið í Sjóræningjahúsinu. Um að ræða skóla fyrir verðandi sjóræningja og aðra sem vilja fræðast um ýmislegt er viðkemur sjóferðum. Þar munu nemendur þurfa að leysa verkefni á borð við að velja réttan kost til sjóferðar, rata eftir stjörnunum, hnýta hnúta og ýmislegt fleira. Um sjálfsnám er að ræða en við komu í skólann fá nemendur afhenta verkefnabók sem þeir þurfa að fylla inn í og útskrifast þeir þegar öll verkefnin í bókinni hafa verið leyst.

 

Sjóræningjaskólinn verður opinn alla daga til 3. september, frá klukkan 11-18.

 

Skólasetningin stendur yfir frá klukkan 13-18 og í tilefni opnunarinnar verður öllum nemendum boðið upp á hressingu við útskrift.

 

Menningarráð Vestfjarða styrkir gerð skólans.

Fundur í hreppsnefnd

444.fundur hreppsnefndar Tálknafjarðarhrepps verður haldinn mánudaginn 30.júlí kl. 17:00 á skrifstofu Tálknafjarðarhrepps.

Sjá fundarboð hér.

 
Oddviti.

Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón