„Ef þessi áform um veiðigjald ná fram að ganga munu margar útgerðir geispa golunni, þetta er tómt rugl. Gjaldið bitnar líklega harðast í einyrkum og minni fyrirtækjum í greininni, flest fyrirtæki hérna fyrir vestan þola örugglega ekki svona gríðarlega skattlagningu eins og lagt er til. Mörg þeirra eru ákaflega skuldsett, eftir að hafa keypt veiðiheimildir og fjárfest i vinnslutækni. Þær skuldir hafa hækkað mikið eftir hrun, þannig að reksturinn er víðast hvar í járnum,“ segir Guðjón Indriðason framkvæmdastjóri útgerðarfyrirtækisins Þórsbergs á Tálknafirði.
Hjá fyrirtækinu starfa 65 manns, þannig að Þórsberg er burðarás atvinnulífsins á staðnum. Þórsberg rekur landvinnslu og gerir út þrjá línuveiðibáta yfir vetrartímann og á sumrin kaupir fyrirtækið afla strandveiðibáta. Guðjón segir að sátt verði að ríkja um starfsemi greinarinnar.

Frá aðalfundi Búnaðarsambands Vestfjarða.

Frá aðalfundi Búnaðarsambands Vestfjarða.

Frá aðalfundi Búnaðarsambands Vestfjarða.

« 1 af 3 »

Aðalfundur Búnaðarsambands Vestfjarða 2012 var haldinn í Heydal s.l. fimmtudag.
 
Fundurinn var ágætlega sóttur og málefnalegur.  Auk hefðbundinna aðalfundarstarfa voru samþykktar þar nokkrar ályktanir.   Má þar fyrst nefna stuðningsályktun við tillögu Búnaðarþings 2012 um endurskipulagningu leiðbeiningaþjónustunnar.  Einnig ályktanir um samgöngubætur innan Vestfjarða með gerð Dýrafjarðargangna og endurbótum á vegi yfir Dynjandisheiði, þá áskorun til stjórnvalda um jöfnun flutningskostnaðar á raforku á landsvísu ásamt bótum á dreifikerfi með tilliti til gæða rafmagns og afhendingaröryggis og áherslu á hraðari uppbyggingu þriggjafasa rafmagns.

Hrafnseyrarheiði, mynd bb.is

Hrafnseyrarheiði var opnuð fyrir umferð í morgun í fyrsta sinn frá því í desember. Mikill snjómokstur hefur staðið yfir undanfarna daga auk þess sem Vegagerðarmenn unnu að því í morgun að skrapa ís af veginum norðanmegin, að því er fram kemur á Vísisvefnum. Þá eru snjómokstursmenn langt komnir að ryðja Dynjandisheiði og lýkur því verki nú um miðjan dag. Þar með opnast Vestfjarðavegur milli Flókalundar og Þingeyrar og unnt verður á ný að komast akandi stystu leið á milli Patreksfjarðar og Ísafjarðar.

Frétt tekin af bb.is

Minjasafn Egils Ólafssonar, Hnjóti, Örlygshöfn auglýsir eftir tilboðum í rekstur kaffiteríu þar komandi sumar.

Ætlunin er að bjóða veitingar úr héraði, s.s. hveitikökur, reyktan fisk og fleira.

Safnið er opið frá kl. 11:00 til 19:00 alla daga frá 3. júní til miðs september.

Allar nánari upplýsingar gefur forstöðumaður  safnsins,  Heiðrún Eva Konráðsdóttir í síma 868 5868 og á netfangið heidruneva@gmail.com

milli kl. 9:00 og 16:00 virka daga.

Tilboðum skal skilað fyrir 30 apríl nk. merkt:

Minjasafn Egils Ólafssonar

Aðalstræti 53

450 Patreksfirði

Fundir um vímuefnaforvarnir með foreldrum og nemendum 9 og 10 bekkjar Grunnskóla Vesturbyggðar og framhaldsdeild Fjölbrautaskóla Snæfellinga á Patreksfirði.
Fundirnir fara fram á sal Patreksskóla

Fimmtudagur 10. maí 2012.
Kl.20:00 – Fundur með foreldrum grunnskólabarna og barna á framhaldsskólaaldri.

Föstudagur 11. maí 2012.
Kl.10:00 – 12:00 Fundur með nemendum 9. og 10. bekk og framhaldsdeild FSN.

« 1 af 3 »

Fjarðalax ehf, sem stundar laxeldi á sunnanverðum Vestfjörðum, mun í sumar setja þriðju kynslóð laxaseiða sinna í sjó í Patreksfirði.  Um er að ræða stærstu kynslóð fyrirtækisins hingað til, 800-900.000 seiði.  Nú er unnið að slátrun fyrstu kynslóðar fyrirtækisins en hún hefur verið alin í Tálknafirði frá miðju ári 2010.  Önnur kynslóðin dafnar mjög vel í Arnarfirði og verður hafist handa við slátrun úr henni seinna á þessu ári.  Hjá Fjarðalax starfa nú 30 manns en gert er ráð fyrir fjölgun með auknum umsvifum og að síðla næsta árs verði þeir allt að 60.