„Við bjóðum ráðherrann hjartanlega velkominn í vinahópinn okkar enda vita allir sannir vinir Vestfjarða að bið eftir láglendisvegi tefur frekari atvinnuuppbyggingu á svæðinu, skerðir lífsgæði íbúanna og getur hreinlega orðið til þess að byggð leggist af. Vonandi hafa aðrir ráðherrar í núverandi ríkisstjórn sama skilning á aðstæðum okkar og innanríkisráðherra.“

Þetta segja Andrea Björnsdóttir, oddviti Reykhólahrepps, Ásthildur Sturludóttir, bæjarstjóri í Vesturbyggð, og Eyrún Ingibjörg Sigþórsdóttir, oddviti Tálknafjarðarhrepps, í grein í Morgunblaðinu í dag.

Samkvæmt samþykkt um fundarsköp Tálknafjarðarhrepps eiga fundir hreppsnefndar að fara fram annan miðvikudag í hverjum mánuði. 441. fundur hreppsnefndar á því að vera haldinn miðvikudaginn 11.apríl.

Hér með tilkynnist að 441. fundur Hreppsnefndar verður haldinn á skrifstofu sveitarfélagsins þriðjudaginn 24.apríl  kl. 17:00.  

                                Oddviti

Fundi um skólamál sem halda átti í Dunhaga hefur verið frestað.
Stefnt er að því að halda fundinn eftir páska.

« 1 af 3 »

Kór Menntaskólans við Hamrahlíð verður á tónleikaferðalagi á suðursvæði Vestfjarða dagana 24. - 26. mars.

Kórinn heldur tónleika í Félagsheimilinu Birkimel á Barðaströnd laugardaginn 24. mars kl. 16.30.

Sunnudaginn 25. mars syngur kórinn við messu kl. 14 í Tálknafjarðarkirkju og um kvöldið kl. 20 verða almennir tónleikar í Félagsheimili Patreksfjarðar.

Mánudaginn 26. mars heldur kórinn þrenna skólatónleika, fyrir Patreksskóla, Tálknafjarðarskóla og í Bíldudalsskóla en þeir tónleikar verða haldnir í Bíldudalskirkju.

Fræðslunámskeið fyrir foreldra barna með ADHD 6-12 ára.

Skuldlausir félagsmenn fá afslátt

Verður haldið Laugardagana 14. og 28. apríl.
Endurmenntunar Háskóla Íslands, Dunhaga 7.

Við viljum vekja athygli á að heimasíðan Gegneinelti .is hefur verið endurbætt. Meðal annars hefur undirskriftakerfi síðunnar verið einfaldað til muna þannig að mjög einfalt er fyrir alla, jafnt unga sem aldna, að undirrita þjóðarsáttmálann um baráttu gegn einelti. Við hvetjum fólk eindregið til þess að skrifa undir sáttmálann og sýna þar með hug sinn í verki gagnvart því samfélagslega vandamáli sem einelti er.