Fámennt var á fundinum eftir að þorri fundargesta gekk út í mótmælaskyni.

Nokkur hundruð manns gengu í hádeginu af fundi með Ögmundi Jónassyni, innanríkisráðherra til að láta í ljós óánægju með vegabætur á Vestfjarðarvegi. Á fundinum, sem haldinn var í félagsheimilinu á Patreksfirði, var lesin upp yfirlýsing frá íbúum þar sem þeir höfnuðu nýrri fjallvegaleið. Talið er að um 500 manns hafi sótt fundinn og að flestir hafi gengið út

« 1 af 2 »

Kómedíuleikhúsið verður með tvo einleiki í Dunhaga á morgun, laugardaginn 17. sept. Sýningar hefjast kl. 20:00. Boðið verður upp á kaffi og konfekt. Sýnd verða leikritin Jón Sigurðsson strákur að vestan og Bjarni á Fönix sem bæði hafa fengið ferska og góða dóma áhorfenda. Leikirnir verða sýndir hver á eftir öðrum en gert verður stutt hlé á milli leikrita. Miðaverð er aðeins 1.900.- krónur.

Ögmundur Jónasson innanríkisráðherra hefur boðað til fundar með íbúum í Vesturbyggð og Tálknafjarðarhreppi í Félagsheimilinu á Patreksfirði á þriðjudag kl. 12. Þar verður rætt um tillögu ráðherra að svokallaðri D-leið við lagningu nýs þjóðvegar sem felst meðal annars í því að vegurinn fer um Hjallaháls og Ódrjúgsháls.

„Fólk er reitt og sorgmætt,“ segir Eyrún Ingibjörg Sigþórsdóttir, oddviti í Tálknafjarðarhreppi aðspurð um viðbrögð heimamanna við ákvörðun innanríkisráðherra að nýr þjóðvegur á sunnanverðum Vestfjörðum verði ekki lagður um Teigsskóg við Þorskafjörð. „Þau viðbrögð ættu svo sem ekki að koma á neinum á óvart þar sem íbúar í allri sýslunni hafa á tveimur fjölmennum íbúafundum harðlega mótmælt að þessi leið verði farin,“ bætir Eyrún við.

Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum.

Foreldrafundur

Fimmtudaginn 8. september 2011 – kl. 20.00

Foreldrar/forráðmenn nemenda Fjölbrautaskóla Snæfellinga eru boðaðir á foreldrafund fimmtudaginn 8. september 2011 – kl. 20.00 – 21:30 í húsnæði skólans í Grundarfirði og á Patreksfirði.

Dagskrá:

• Ávarp skólameistara
• Kynning á áfangakerfi, stundatöflu, stoðþjónustu og skólareglum
• Kynning á INNU - upplýsingakerfi skóla, Moodle – kennslukerfi FSN
• Kynning á NFSN – nemendafélagi og félagslífi
• Möguleiki foreldra/forráðamanna að hafa áhrif - Foreldrafélagið
• Umræður og önnur mál
• Umsjónarkennarar hitta foreldra

Jón Eggert Bragason, skólameistari