T�lknafjordur.is - Fr�ttir

Safnasafni� hl�tur Eyrarr�sina 2012

Mon, 20 Feb 2012 14:10:00 +0000

Eyrarrósina 2012, viðurkenningu fyrir afburða menningarverkefni á landsbyggðinni, hlýtur Safnasafnið á Svalbarðsströnd og veittu aðstandendur þess viðurkenningunni móttöku í dag laugardag við athöfn á Bessastöðum.

Dorrit Moussaieff forsetafrú, verndari Eyrarrósarinnar afhenti verðlaunin. Fjölmennt var við athöfnina en auk afhendingarinnar kynnti Hrefna Haraldsdóttir stjórnandi Listahátíðar í Reykjavík Eyrarrósina og Katrín Jakobsdóttir mennta- og menningarmálaráðherra ávarpaði samkomuna. Sigríður Thorlacius og Sigurður Guðmundsson sungu einnig nokkur lög við góðar undirtektir gesta.

Verðlaunin sem Safnasafnið hlýtur ásamt Eyrarrós í hnappagatið er fjárstyrkur að upphæð 1,5 milljón, verðlaunagripur eftir Steinunni Þórarinsdóttur auk flugmiða frá Flugfélagi Íslands. Önnur tilnefnd verkefni í ár voru Sjóræningjahúsið á Vatneyri við Patreksfjörð og tónlistarhátíðin Við Djúpið á Ísafirði og þau hljóta 250 þúsund króna verðlaun auk flugmiða.

Handhafi Eyrarrósarinnar, Safnasafnið – Alþýðulistasafn Íslands, stendur við þjóðveg eitt rétt utan við Akureyri, í gamla Þinghúsinu á Svalbarðsströnd. Safnið opnaði árið 1995 og vinnur merkilegt frumkvöðlastarf í þágu íslenskrar alþýðulistar. Safnið hefur fyrir löngu sannað mikilvægi sitt og sérstöðu í safnaflóru landsins og sýningar þess byggja á nýstárlegri hugsun þar sem alþýðulist og nútímalist mynda fagurfræðilegt samspil. Í sölum Safnasafnsins sýna hlið við hlið frumlegir og ögrandi nútímalistamenn, sjálflærðir alþýðulistamenn, einfarar og börn. Samspil heimilis, garðs, safns og sýningarsala er einstakt og sífellt er bryddað upp á nýjungum. Safnasafnið vinnur ötullega með íbúum sveitarfélagsins og hefur frá upphafi haft frumkvæði að samstarfi við leikskóla- og grunnskólabörn.

Við athöfnina í dag tilkynnti Hrefna Haraldsdóttir, stjórnandi Listahátíðar í Reykjavík að samningur aðstandenda Eyrarrósarinnar; Listahátíðar, Byggðastofnunar og Flugfélags Íslands, yrði endurnýjaður til næstu þriggja ára, enda mikil ánægja aðstandenda með verkefnið frá upphafi.

Metfjöldi umsókna var um Eyrarrósina í ár, en árlega er auglýst eftir umsóknum í fjölmiðlum og eru umsækjendur m.a. ýmis tímabundin verkefni, menningarhátíðir, stofnanir og söfn. Fjögurra manna verkefnisstjórn, skipuð forstjóra og stjórnarformanni Byggðastofnunar og stjórnanda og framkvæmdastjóra Listahátíðar í Reykjavík, tilnefnir og velur verðlaunahafa.

Verðlaunin hafa allt frá stofnun árið 2005 átt þátt í því að efla fagmennsku og færni við skipulagningu menningarlífs og listviðburða á landsbyggðinni og skapað sóknarfæri á sviði menningartengdrar ferðaþjónustu. Verðlaunin eru gríðarlega mikilvæg enda um veglega upphæð að ræða, en tilnefning til Eyrarrósar er einnig mikilsverður gæðastimpill fyrir þau afburða menningarverkefni sem hann hljóta.

B�kasafni� augl�sir breyttan opnunart�ma

Fri, 17 Feb 2012 15:10:00 +0000

Frá og með deginum í dag 17.febrúar 2012 verður aðeins opið eitt kvöld í viku, fimmtudagskvöld frá kl. 20:00 – 21:00.

Bent er á að bókasafnið er opið mánudags- þriðjudags- miðvikudags- og fimmtudagsmorgna frá kl. 8:00 – 10:00.

Allir velkomnir.

V�snakv�ld � Dunhaga

Fri, 17 Feb 2012 14:53:00 +0000

Nú er komið að því! Vísnakvöld í Dunhaga, Tálknafirði verður haldið laugardagskvöldið 18.febrúar. Húsið opnar kl. 20.30 og dagskráin hefst þegar allt er orðið klárt!

Vísnakvöldið er haldið til fjáröflunar fyrir Björgunarsveitina Tálkna, Kvenfélagið Hörpu og Ungmennafélag Tálknafjarðar. Boðið verður upp á kaffi og konfekt. Þeir sem vilja, mega taka með sér söngvatn eða aðrar veitingar.

Aldurstakmark 16 ár.

Öllum er heimilt að koma fram með skemmtiatriði, syngja, spila á hljóðfæri, lesa ljóð, flytja vísur, frumsamdar eða eftir aðra, segja skemmtisögur eða annað sem gaman er að og vekur hlátur.Eina skilyrðið er að vera skemmtilegur!

Verðlaun fyrir bestu vísubotnana.

Nærsveitungar okkar Tálknfirðinga hjartanlega velkomnir.

Maður er manns gaman!

Mætum öll og njótum þess að hittast og eiga góða stund saman.

Kv��amannam�t � Siglufir�i 3. Mars 2012

Tue, 14 Feb 2012 15:35:00 +0000

ÞjóðList og Kvæðamannafélagið Ríma í Fjallabyggð standa fyrir kvæðamannamóti laugardaginn 3. mars, í samstarfi við kvæðamannafélagið Gefjunni á Akureyri og með stuðningi Menningarráðs Eyþings og Þjóðlagseturs.

Á mótinu verður þriggja klst. námskeið (2x1,5 klst) sem Bára Grímsdóttir kvæðakona sér um. Hún mun kenna okkur hefbundin kvæðalög og flutningsmáta þeirra, ásamt ýmsu öðru sem við kemur kvæðamennskunni.

Bára og maður henna Chris Foster, sem er virtur enskur þjóðlagasöngvari, eru með þjóðlagadúettinn Funa og koma beint frá því að taka þátt í þjóðtónlistarhátíð í Sviss. Þau munu halda stutta tónleika laugardaginn 3. mars kl. 16:30 á Kaffi Rauðku, þar sem við fáum að heyra nokkuð af því efni sem þau fluttu í Sviss. Hér má sjá myndband af Funa: Funi á Youtube

Hápunktur mótsins verður síðan kvöldvaka með glæsilegum kvöldverði á Kaffi Rauðku, þar sem kvæðamenn stíga á stokk, og gömludansaball í lokin.

Dagskrá kvæðamannamótsins er enn í mótun en hún verður birt hér um leið og hún er fullmótuð. Ef þið hafið áhuga á að taka þátt í mótinu eða hafið einhverjar spurningar varðandi það, hafið þá samband við Magnús Ólafs Hansson (magnus@atvest.is) eða Rúnu hjá kvæðamannafélaginu Rímu (runaingi@simnet.is - 869-3398)

Það eru starfandi kvæðamannafélög víða um land, fámenn og einangruð, en aðstandendur mótsins hafa fulla trú á því að ef við tökum höndum saman þá verður það til þess að efla þessa hverfandi þjóðarhefð.

Starfsf�lk vantar

Tue, 14 Feb 2012 15:18:00 +0000

Leitum að starfsmanni í verslunina Fjölval á Patreksfirði.

Okkur vantar einn til tvo starfsmenn sem treysta sér til að ganga í öll hefðbundin störf í verslun, þ.m.t. að að afgreiða á kassa. Viðkomandi þarf að vera tilbúinn til að taka að sér aukavinnu um helgar og kvöld og kvöld ef þannig stendur á.

Eftirfarandi vinnutímar koma til greina:

a) frá kl. 9.00 til kl. 18.00 alla daga vikunnar og annan hvorn laugardag frá kl. 11 til 16

b) frá kl. 9 til 14.00 eða 9 til 15.oo eða 9 til 16.oo og annan hvorn laugardag frá kl. 11 til 16

c) frá kl. 14.oo eða 15 eða 16.oo til kl.20.oo alla virka daga og annan hvorn laugardag frá 11 til 16

Einnig kemur til greina að tveir aðilar skipti með sér fullu starfi eina viku í senn ef það hentar betur.

Viðkomandi þarf að geta hafið störf sem allra fyrst.

Laun samkv. kjarsamn. Verk-Vest.

Allar nánari upplýsingar gefa Haukur í síma 892-5561 eða Gunnhildur í síma 892-7761

Vel heppna� sk�la�ing

Sun, 12 Feb 2012 18:22:00 +0000

Laugardaginn 11. febrúar var efnt til skólaþings á Tálknafirði í samkomuhúsinu Dunhaga. Þar gafst öllum, sem áhuga hafa á skólastarfinu, tækifæri til að ræða það og leggja fram hugmyndir um meginstoðir þess í samræmi við nýja skólastefnu Tálknafjarðarhrepps. Þingið hófst með kynningu skólastjóra á framtíðarsýn um skólastarf og mótun skólastefnu. Að loknum hreinskiptum umræðum og hressingu tóku vinnuhópar til starfa og fjölluðu um afmörkuð svið skólastefnunnar. Þinginu lauk með því að hver hópur sagði frá hugmyndum sínum og tillögum. Þingmenn voru ánægðir með þetta framtak og var ákveðið að fylgja þinginu eftir með markvissri stefnumótunarvinnu til vors þar sem kveðið verður nákvæmar að orði um alla þætti skólastefnunnar með skilgreindum og tímasettum áfangamarkmiðum og aðgerðaáætlun.

TÞS

Augl�sing vegna �thlutunar bygg�akv�ta � fiskvei�i�rinu 2011/2012

Fri, 10 Feb 2012 14:10:00 +0000

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 1182/2011 um úthlutun byggðakvóta til fiskiskipa á fiskveiðiárinu 2011/2012

Sandgerði

Tálknafjarðarhreppur

Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 125/2012 í Stjórnartíðindum

Sveitarfélagið Ölfus (Þorlákshöfn)

Snæfellsbær (Arnarstapi, Hellissandur, Rif og Ólafsvík)

Bolungarvík

Dalvíkurbyggð (Árskógssandur og Hauganes)

Fjarðabyggð (Mjóifjörður, Stöðvarfjörður)

Umsóknum skal skilað til Fiskistofu á eyðublaði sem er að finna hér. Umsóknarfrestur er til og með 24. febrúar 2012.

fiskistofa.is

Ma�ur er manns gaman!

Fri, 10 Feb 2012 13:35:00 +0000

Góðir Tálknfirðingar og nærsveitungar

Er ekki kominn tími til að hittast og skemmta sér saman eina kvöldstund?

Björgunarsveitin Tálkni, Kvenfélagið Harpa og Ungmennafélag Tálknafjarðar

ætla að standa fyrir skemmtikvöldi í Dunhaga til fjáröflunar fyrir félögin

laugardagskvöldið 18.febrúar

Kvöldið verður með léttu vísnaþema og mottóið er:

Maður er manns gaman!

Öllum er heimilt að koma fram með skemmtiatriði,

syngja, spila á hljóðfæri, lesa ljóð, flytja vísur, frumsamdar eða eftir aðra, segja skemmtisögur eða annað sem gaman er að og vekur hlátur.

Áhugasamir skemmtikraftar geta haft samband við vísnanefndina:

Lilja Magnúsdóttir í síma 895-2947

Pálína Hermannsdóttir í síma 690-9939

Heiðar Jóhannsson í síma 895-2500

Verðlaun verða veitt fyrir bestu vísubotnana

Fyrsti fyrripartur:

Þrællinn kominn Þorra er

þungur reyndist vetur

Annar fyrripartur:

Góa heilsar guma' og snót

gleðjist allur lýður

...... og botnið þið nú!

Takið kvöldið frá í dagskrá heimilisins.

Mætum öll og njótum kvöldsins í góðum félagsskap.

Skemmtum okkur saman og styrkjum góð málefni.

Vísnakvöldið verður nánar auglýst í næstu viku.

Kv��amannam�t

Mon, 06 Feb 2012 16:15:00 +0000

Blásið verður til kvæðamannamóts laugardaginn 3. mars nk. Það er von aðstandenda mótsins að haldið verði skemmtilegt og kraftmikið kvæðamannamót sem styrkir okkur í kvæðamennskunni. Kvæðamannafélagið Ríma á Sigló stendur fyrir þessu móti, í samstarfi við kvæðamannafélagið Gefjunni á Akureyri. Austfirskir og þingeyskir kvæðamenn munu fjölmenna á mótið, auk þess sem Iðunn í Reykjavík verður með fulltrúa.

Tillaga að kvæðamannamótinu er eftirfarandi, en allar hugmyndir að tilhögun, viðfangsefnum og námskeiðum á kvæðamannamótinu eru vel þegnar.

(Föstudagur 2. mars, óstaðfest og í athugun: Tónleikar með keltneskum þjóðlagasöngvara frá Skotlandi.)

Laugardagur 3. mars:

12:00 - gestir boðnir velkomnir og kynna sig yfir léttum hádegisverði.

13:30 - námskeið*

15:00 - stund fyrir spjall með kaffibolla og kleinu.

15:45 - námskeið*

17:15 - hvíld fyrir kvöldvöku

19:00 - kvöldvaka**

* Bára Grímsdóttir kvæðakona hefur staðfest komu sína á mótið. Hún og hennar maður Chris eru tilbúin til að kenna allt mögulegt sem við kemur kvæðamennsku og þjólögum okkar, s.s. kvæðalög, hvernig á að spila á langspil og fiðlu, tvísöngva hvers konar, útsetningar og flutningsmáta. Þau eru opin fyrir hugmyndum og óskum frá okkur.

** Á kvöldvökunni verður kveðið saman, einstaklingar/hópar koma vonandi fram með skemmtiefni, auk þess sem Bára og Chris koma fram. Boðið verður upp á einfalt og gott í matinn, s.s. Íslenska kjötsúpu í aðalrétt, kaffi og pönnuköku með sultu og rjóma í eftirrétt. Eftir matinn verður "gömludansaball" með þjóðlegu ívafi.

Kostnaður: Aðstandendur mótsins hafa fengið styrk til að halda þetta mót, og eiga von á fleiri styrkum. Ætlunin er að halda kostnaði til þátttakenda í lágmarki. Svo er líka möguleiki að kvæðamannafélögin geti útvegað styrki fyrir sína félagsmenn.

Það eru starfandi kvæðamannafélög víða um land - fámenn og einangruð - en ég hef trú á því að ef við tökum höndum saman þá eigum við eftir að fá jákvæða athygli svo fleiri bætist í hópinn. Þetta mót verður vonandi til þess að efla starfsemina hjá okkur öllum.

Með sendingu þessari er verið að kanna áhuga fólks hér á suðursvæði Vestfjarða með þátttöku. Gjörið svo vel að senda staðfestingu með símaupplýsingum á netfangið magnus@atvest.is

Gjörið svo vel að senda upplýsingar um mótið til sem flestra svo við Vestfirðingar getum fjölmennt á Siglufjörð helgina 2 – 4 mars nk.

Tilnefningar til Eyrarr�sarinnar

Mon, 06 Feb 2012 16:04:00 +0000

Safnasafnið á Svalbarðseyri, Sjóræningjahúsið við Patreksfjörð og tónlistarhátíðin Við Djúpið á Ísafirði hljóta tilnefningu til Eyrarrósarinnar í ár.

Eyrarrósin, er viðurkenning fyrir framúrskarandi menningarverkefni á landsbyggðinni, og verður veitt í áttunda sinn á Bessastöðum þann 18. febrúar næstkomandi. Markmið verðlaunanna er að efla fagmennsku og færni við skipulagningu menningarlífs og listviðburða á landsbyggðinni og skapa sókarfræir á sviði menningartengdrar ferðaþjónustu.

Meðal verkefna sem hlotið hafa Eyrarrósina á undanförnum árum eru: Sumartónleikar í Skálholtskirkju, tónlistarhátíðin Bræðslan, Landnámssetrið í Borgarfirði og LungA, listahátíð ungs fólks á Austurlandi.

Frétt tekin af: ruv.is