Með framsögu verða:

• Einar K. Guðfinnsson, alþingismaður, 5. þm. NV, Sjálfst.fl.
• Neil Shiran K. Þórisson, framkvæmdastjóri Atvest
• Sigurður Viggósson, framkvæmdastjóri Odda á Patreksfirði
• Ari Hafliðsson, rekstrarstjóri Þórsbergs hf. á Tálknafirði
• Friðbjörg Matthíasdóttir, forseti bæjarstjórnar Vesturbyggðar

Gert er ráð fyrir því að framsaga hvers verði á bilinu 10-15 mín, fyrirspurnir og umræður verða eftir að framsögu allra er lokið.

Fundarstjóri verður, Bjarni Einarsson, tæknistjóri Fjarðalax.

Tálknafjarðarhreppur  óskar eftir tilboðum í slátt á afmörkuðum opnum svæðum sveitarfélagsins.   Tilboðsgögn er hægt að nálgast  á skrifstofu sveitarfélagsins sem og hér:  Útboðsgögn, Sláttur og hirðing 2012-2014

 Sjá einnig: Afstöðumynd sláttursvæða 2012 

Tilboðum skal skilað í lokuðu umslagi á skrifstofu Tálknafjarðarhrepps, Miðtúni 1, Tálknafirði, þannig merktu :

„ Sláttur og hirðing 2012 – 2014, tilboð“,

fyrir kl. 10:00 miðvikudaginn 23.maí 2012 og verða þau opnuð þar kl. 10:15 þann sama dag að viðstöddum bjóðendum sem þess óska.

Oddviti

Miðtúni 1, Tálknafirði, miðvikudaginn 9. maí 2012 og hefst kl. 17:00.

Sjá fundarboð hér.

Jón Jónsson þjóðfræðingur á Kirkjubóli á Ströndum og menningarfulltrúi Vestfjarða hlaut Landstólpann árið 2011. Dómnefnd taldi hann með störfum sínum undanfarin ár hafa vakið athygli á heimabyggð sinni á Ströndum á jákvæðan hátt, m.a. í fjölmiðlum, á vefnum og á málþingum og að hann hafi verið frumkvöðull í uppbyggingu ferðaþjónustu og fræðastarfs á svæðinu.

Viðurkenningin skal veitt einhverjum þeim sem hefur vakið jákvæða athygli á landsbyggðinni með verkefni, starfsemi, umfjöllun á opinberum vettvangi eða með öðru móti. Viðkomandi gæti bæði hafa vakið athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags. Um getur verið að ræða einstakling, fyrirtæki, stofnun eða sveitarfélag.

Við óskum eftir ábendingum um handhafa þessarar viðurkenningar. Að ábendingum fengnum mun dómnefnd velja úr. Eftirfarandi þætti má hafa í huga við valið:

Hvort viðkomandi hafi:

-          gefið jákvæða mynd af landsbyggðinni eða viðkomandi svæði

-          aukið virkni íbúa eða fengið þá til beinnar þátttöku í verkefninu

-          orðið til þess að fleiri verkefni/ný starfsemi verði til

-          dregið að gesti með verkefni eða umfjöllun sinni

Ekki er nauðsynlegt að öllum þessum atriðum sé fylgt eftir, heldur séu þau höfð til hliðsjónar.

Ábendingum má skila á heimasíðu Byggðastofnunar, byggdastofnun.is

Nánari upplýsingar gefur Sigríður K. Þorgrímsdóttir í síma 455-5400 eða netfang, sigga@byggdastofnun.is.

Frestur til að koma ábendingum til skila rennur út föstudaginn 11. maí 2012.

Lilja Sigurðardóttir, formaður HHF sagði að vel hafi verið mætt og voru ýmis mál tekin fyrir.  Mótaskrá sumarsins var samþykkt auk þess sem starf komandi árs var rætt.  Aron Páll Hauksson var ráðinn framkvæmdarstjóri HHF en hann hefur sinnt starfinu vel seinustu sumur.  Nýtt félag, Skotíþróttafélag Vestfjarðar - Skot Vest, var samþykkt inn í sambandið.  Einnig voru lög HHF yfirfarin.
 

Á þinginu var veitt starfsmerki UMFÍ til Önna Valsdóttur, fyrir mikið og óeigingjarnt starf í gegnum árin.  Íþróttamaður HHF var Saga Ólafsdóttir úr íþróttafélaginu Herði
 

Ein breyting varð á stjórn HHF en Birna Friðbjört Hannesdóttir tók sæti  Bjargar Sæmundsdóttur .  Stjórnina skipa Lilja Sigurðardóttir, formaður, Sædís Eiríksdóttir, meðstjórnandi, Birna Friðbjört Hannesdóttir, gjaldkeri, Heiðar Jóhannsson, varastjórn, Kristrún A. Guðjónsdóttir, varastjórn og Guðný Sigurðardóttir, varastjórn. 
 

Stjórn HHF vill þakka þeim sem sóttu þingið og einnig gestgjöfunum í Ungmennafélagi Barðastrandar fyrir frábærar móttökur.

Fundirnir verða með foreldrum og nemendum 9. og 10. bekkjar Grunnskóla Vesturbyggðar og framhaldsdeildar Fjölbrautaskóla Snæfellinga á Patreksfirði og fara fram á sal í Patreksskóla.

Fundurinn fimmtudaginn 10. maí nk. er opinn öllum eldri en 20 ára.

Fundurinn hefst kl. 20 og verður með foreldrum grunnskólabarna og barna á framhaldsskólaaldri.

Dagskrá

• Algengustu fíkniefni á Íslandi í dag, þ.á.m. á Vestfjörðum.
• Útlit og einkenni.
• Aðferðir dreifingaaðila.
• Hvaða ráð höfum við til að bregðast við þróuninni.
• Umræður.

Fundurinn föstudaginn 11. maí 2012 verður með nemendum 9. og 10. bekk og framhaldsdeild FSN og stendur frá 10-12.

Dagskrá

• Gildandi lög og reglugerðir um fíkniefni og refsingar.
• Algengustu fíkniefni á Íslandi í dag og virkni þeirra.
• Umræðan á Íslandi í dag, er marihuana (gras) eins skaðlegt og sagt er?
• Umræður.

Margrét Pála Ólafsdóttir og Áslaug Hulda Jónsdóttir munu í framhaldinu svara spurningum foreldra og annarra aðstandenda skólans.
 

Allir velkomnir

Oddviti.

Með réttri varmadælu má spara um 60-70% raforku, við erum að bjóða uppá Sænskar varmadælur frá Thermia sem er í eigu Danfoss og hafa reynst mjög vel á Íslandi allt frá því að fyrsta varmadælan frá Thermia kom til Íslands 1973.
 

Hægt er að hafa samband við okkur í síma 517 0270 eða 660 0271 til þess að bóka kynningu.
 

Pétur Bjarni Kristjánsson

Verklagnir ehf.

Smiðjuvegur 70 – gulgata

200 Kópavogur.

www.verklagnir.is

Þá vantar okkur einnig starfsmann í verslun okkar.

Allar nánari upplýsingar veitir framkvæmdastjóri í síma 893 1554

Vélsmiðjan Logi

Patreksfirði