A A A

Kosn­ingakaffi

Tálknfirðingum og gestum þeirra er boðið í kosningakaffi laugardaginn 28. október 2023 milli kl. 13:00 og 16:00  í Vindheimum. Það eru Kvenfélagið Harpa og Tálknafjarðarhreppur sem standa að kosningakaffinu í sameiningu.

 

Öll hjartanlega velkomin.

Lausar stöður í Tálknafjarðarskóla

Skólinn er samrekinn leik-, grunn- og tónlistarskóli undir einu þaki, með 40 nemendur. Í skólanum fer fram öflugt og framsækið skólastarf þar sem lögð er áhersla á að koma til móts við hvern og einn nemanda. Skólinn er grænfánaskóli, heilsueflandi skóli og UNESCO skóli.
 

Tálknafjörður er afar fallegur fjörður sem þekktur er fyrir einstaka veðurblíðu. Íbúarnir eru miklir íþróttaálfar og státar þorpið af glæsilegri íþróttamiðstöð með tækjasal, 25m sundlaug og fjöldann allan af skipulögðum íþróttatímum. Atvinnulíf er með miklum blóma og uppbygging fiskeldis og ferðaþjónustu á svæðinu býður upp á mikil tækifæri.

 

Tálknafjarðarskóli leitar að metnaðarfullum, sjálfstæðum og drífandi starfsmönnum með mikla þekkingu og áhuga á skólastarfi. Í Tálknafjarðarskóla eru lausar til umsóknar eftirfarandi stöður:

 

Leikskólakennari  (100% starfshlutfall) 

Menntunar- og hæfniskröfur:

  • Kennaramenntun og réttindi til kennslu í leikskóla

  • Reynsla af kennslu á leikskólastigi

  • Færni í að vinna í teymi og að fjölbreyttum verkefnum

  • Faglegur metnaður og ánægja af starfi með börnum

  • Frumkvæði og skipulögð vinnubrögð

  • Jákvæðni gagnvart skólaþróun

  • Góð hæfni í mannlegum samskiptum

  • Hefur hreint sakavottorð

 

EÐA

 

Stuðningur á leikskóla (100% starfshlutfall) 

Hæfniskröfur:

  • Reynsla í vinnu á leikskóla er kostur

  • Færni í að vinna í teymi og að fjölbreyttum verkefnum

  • Faglegur metnaður og ánægja af starfi með börnum

  • Frumkvæði og skipulögð vinnubrögð

  • Jákvæðni gagnvart skólaþróun

  • Góð hæfni í mannlegum samskiptum

  • Hefur hreint sakavottorð

 

Ræsting (50% starfshlutfall) 

Um er að ræða almennar ræstingar á skólahúsnæðinu, vinnutími samkvæmt samkomulagi.

  • Íslenskukunnátta kostur

  • Umsækjendur þurfa að hafa náð 18 ára aldri

 

Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
 

Umsókn um starf skal fylgja skrá yfir menntun og starfsferil og afrit af leyfisbréfi ef við á, kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila.
 

Umsókn sendist á birna@talknafjardarskoli.is. Öllum umsóknum verður svarað. Umsóknir gilda í sex mánuði frá því að umsóknarfrestur rennur út. Fólk af öllum kynjum er hvatt til að sækja um. Ráðið verður í stöðurnar eftir samkomulagi. 
 

Nánari upplýsingar um störfin veitir Birna Friðbjört S. Hannesdóttir, skólastjóri, í síma 450-2522, netfang: birna@talknafjardarskoli.is

Ófullnægjandi umsóknir eru ekki teknar til greina og áskilur stofnunin sér rétt til að hafna öllum umsóknum.

Umsóknarfrestur til 8. nóvember 2023
 

Dýralæknir á Tálknafirði á sunnudaginn, hundahreinsun og ormahreinsun katta fer fram

Sunnudaginn 29. október 2023 verður Helga Sigríður dýralæknir í áhaldahúsinu við Strandgötu á Tálknafirði og framkvæmir hundahreinsun og ormahreinsun katta. Sú þjónusta er innifalin í því gjaldi sem gæludýraeigendur greiða til Tálknafjarðarhrepps. Hægt er að fá aukna þjónustu fyrir dýrin og fer hún fram samkvæmt gjaldskrá dýralæknisins. Fólk er beðið um að panta tíma fyrir dýrin sín með því að hafa samband við Dýralæknastofu Helgu í gegnum netfangið dyralaeknastofahelgu@gmail.com eða í síma 896-5205 (Helga).

Dýralæknir á Tálknafirði á sunnudaginn, hundahreinsun og ormahreinsun katta fer fram.

Sveitarstjórnarfundur

Boðað er til 621. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, þriðjudaginn 24. október 2023 og hefst kl. 17:00.

Sjá fundarboð hér (.pdf)

Ólafur Þór Ólafsson, sveitarstjóri

Takmörkuð starfsemi hjá Tálknafjarðarhreppi vegna kvennaverkfalls 24. október 2023

Boðað hefur verið til Kvennaverkfalls 24. október 2023 eins og mörg hafa eflaust tekið eftir. Á fjórða tug samtaka kvenna, hinsegin fólks og launafólks blása til heils dags kvennaverkfalls þar sem konur og kvár munu leggja niður störf.

 

Líkt og önnur sveitarfélög tekur Tálknafjarðarhreppur undir þau meginmarkmið kvennaverkfalls að hefðbundin kvennastörf, jafnt launuð sem ólaunuð, skuli metið að verðleikum. Hvatt hefur verið til að sveitarfélög geri allt sem í þeirra valdi stendur til að tryggja að vinnuframlag kvenna og kvára sé sýnilegt og að sem flest þeirra geti tekið þátt í baráttudeginum.

 

Stór hluti starfsfólks Tálknafjarðarhrepps hefur tilkynnt um þátttöku í kvennaverkfallinu og því verður töluverð röskun á starfsemi á vegum sveitarfélagsins þriðjudaginn 24. október:

  • Tálknafjarðarskóli verður lokaður, bæði leik- og grunnskóli.
  • Í Íþróttamiðstöð verður sundlaug lokuð, en opið í líkamsræktarsal frá kl. 09:00 til kl. 12:30 en lokað eftir það.
  • Á Vindheimum  Lokað

Tilkynning um færanlegan kjörstað

Sameiginleg kjörstjórn um kosningar um sameiningu Tálknafjarðarhrepps og Vesturbyggðar hefur tekið ákvörðun um að setja upp færanlegan kjörstað á eftirfarandi tíma og stað:
 

Föstudaginn 20. október 2023

  • Kl. 13:00 – 14:00 við Heilbrigðisstofnun Vestfjarða, Stekkjum 1, 450 Patreksfirði
  • Kl. 15:00 – 16:00 við Leikskólann Araklett, Strandgötu 20, 450 Patreksfirði

Þriðjudaginn 24. október 2023

  • Kl. 14:00-15:00 í Odda hf., Eyrargötu 1, 450 Patreksfirði

Miðvikudaginn 25. október 2023

  • Kl. 12:30 - 13:30 hjá Arnarlaxi, vinnslustöð Bíldudal

Samkvæmt reglugerð um íbúakosningar sveitarfélag er ekki heimilt að hafa tvo kjörstaði fyrir sömu kjördeildir opna samtímis. Því mun þurfa að loka kjörstöðum á skrifstofu Tálknafjarðarhrepps og Vesturbyggðar á eftirfarandi tímum:

  • kl. 12:00 föstudaginn 20. október og þriðjudaginn 24. október
  • kl. 11:00 miðvikudaginn 25. október

www.vestfirdingar.is

Eldri færslur
« Apríl »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        
Næstu atburðir
Vefumsjón