A A A

Auglýsing: Grenndarkynning - Dunhagi

Á fundi sveitarstjórnar þann 26. september 2023 samþykkti nefndin að grenndarkynna áform við varðandi framkvæmdir á Dunhaga.

 

Eftirfarandi var bókað:

"Tillaga skipulagsnefndar Tálknafjarðarhrepps við sveitarstjórn að áform um að lengja þak á húsinu Dunhaga verði grenndarkynnt og fái málsmeðferð skv. 44. gr. skipulagslaga nr. 123/2010. Mál frá 10. fundi umhverfis- og byggingarnefndar Tálknafjarðarhrepps sem fór fram 16.08.2023 og 12. fundi skipulagsnefndarTálknafjarðarhrepps sem fór fram 19.09.2023.

Sveitarstjórn samþykkir samhljóða tillögu skipulagsnefndar um að áform um að lengja þak á húsinu Dunhagaverði grenndarkynnt og fái málsmeðferð skv. 44. gr. skipulagslaga nr. 123/2010."

 

Áformin ganga út á lengja þak á húsinu Dunhaga um 2,1 m þannig að það nái yfir viðbyggingu á suðausturgafli. Á gaflinn koma gluggar og hurðir sem verður flóttaleið úr sal á 2. hæð.

 

Frestur til að skila athugasemdum og ábendingum eru 4 vikur er til og með 2. nóvember 2023. Litið verður svo á að þeir sem ekki gera athugasemdir séu samþykkir fyrirhuguðum áformum.
 

Nánari upplýsingar eru veittar á skrifstofu Tálknafjarðarhrepps eða í síma 450 2500 á opnunartíma skrifstofunnar. Fyrirspurnir má einnig senda á netfangið talknafjordur@talknafjordur.is.

Grenndarkynningargögn:

 Erindi (.pdf)
 Útlit (.pdf)
 Grunnmyndir, sneiðing og afstaða (.pdf)
 

Skipulagsfulltrúi Tálknafjarðarhrepps

Óskar Örn Gunnarsson



Íbúafundir 3.-5. október

Fjórir íbúafundir verða haldnir 3. - 5. október nk. þar sem fjallað verður um tillögu um sameiningu Tálknafjarðarhrepps og Vesturbyggðar í eitt sveitarfélag. Á fundunum verður farið yfir kosningarfyrirkomulagið og kynnt álit og stöðugreining samstarfsnefndar um sameiningu Tálknafjarðarhrepps og Vesturbyggðar. Að lokum verður opnað fyrir spurningar.
 

Fundirnir verða sendir út rafrænt og geta þeir sem horfa á fundina einnig sent inn spurningar og tekið virkan þátt á fundinum.
 

Í júní voru haldnir íbúafundir þar sem kynnt voru drög að stöðugreiningu og forsendum fyrir sameiningu og í framhaldinu fengu fundargestir tækifæri á að móta frekar stöðugreininguna og forsendur sameiningar. Kynningin á þessum fundi er meðal annars afrakstur frá þeim fundum.  Íbúafundirnir heppnuðust einstaklega vel og nú á að endurtaka leikinn.
 

Íbúar eru hvattir til að mæta og láta sína skoðun í ljós. 

  • Birkimelur á Barðaströnd, þriðjudaginn 3. október kl. 16:00
  • Patreksskóli á Patreksfirði, þriðjudaginn 3. október kl. 20:00
  • Íþróttamiðstöðinni á Tálknafirði, miðvikudaginn 4. október kl. 20:00
  • Baldurshaga á Bíldudal, fimmtudaginn 5. október kl. 20:00

Hér má nálgast forsendur og stöðugreiningu fyrir sameiningu sveitarfélaganna
 

Hér má nálgast kynningarbækling er sendur var í hús um sameiningarkosningarnar er fara fram 9. - 28. október nk.

Spurningar til íbúa Tálknafjarðar

Sælir kæru íbúar Tálknafjarðar.
 

Við erum fjórir félagsráðgjafanemar á 3. ári í Háskóla Íslands og erum að vinna verkefni tengdu Samfélagsvinnu og notendasamráði ákveðins landsvæðis. Við höfum ákveðið að velja Tálknafjörð vegna þess að landsvæðið og staðsetningin heillaði okkur. Verkefnið felst í að greina samfélag og þarfir þess með notendasamráði.
 

Okkur þætti mjög vænt um að þið sjáið ykkur fært á að svara nokkrum spurningum fyrir okkur.
 

Könnunin er nafnlaus og órekjanleg. Því fleiri sem svara könnuninni, því áreiðanlegri svör fáum við.

Takk fyrir og í von um gott samstarf.

Dögg, Egill, Esther og Hrefna

Könnunin: https://docs.google.com

Íþróttamiðstöð Tálknafjarðar, lokað föstudaginn 29. september 2023

Vegna viðhaldsverkefna verður Íþróttamiðstöð Tálknafjarðar lokuð föstudaginn 29. september 2023.


Má ég kjósa í sameiningarkosningunum?

Mynd: Elín Elísabet Einarsdóttir
Mynd: Elín Elísabet Einarsdóttir

Þjóðskrá hefur opnað fyrir rafrænan aðgang að kjörskrárstofni svo kjósendur geti með einföldum hætti kannað hvort þeir eru skráðir á kjörskrá í kosningunum sem fara fram 9.- 28. október næstkomandi. Ekki er flett upp í þjóðskrá heldur er flett upp í kjörskrárstofni. Að kjördegi loknum verður lokað fyrir aðgang að uppflettingunni.

Nánari upplýsingar má nálgast hér (Hvar á ég að kjósa? | Þjóðskrá (skra.is))

Hverjir mega kjósa?

Íslenskir og norrænir ríkisborgarar sem eiga lögheimili í öðru hvoru sveitarfélaginu sem um ræðir og hafa náð 16 ára aldri á kjörtímabilinu geta kosið um sameiningu. Erlendir ríkisborgarar, 16 ára og eldri, sem átt hafa lögheimili á Íslandi í þrjú samfellt á kjörtímabilinu hafa einnig kosningarétt.

https://www.vestfirdingar.is

Kosið um sameiningu 9. - 28. október nk.

Mynd: Elín Elísabet Einarsdóttir
Mynd: Elín Elísabet Einarsdóttir

Samstarfsnefnd um sameiningu Tálknafjarðarhrepps og Vesturbyggðar hefur unnið greinargerð um sameiningu sveitarfélaganna. Með vísan til þeirrar greiningar er það álit nefndarinnar að fram skuli fara atkvæðagreiðsla meðal íbúa sveitarfélaganna um sameiningu sveitarfélaganna í eitt.
 

Álit nefndarinnar og greinargerð hafa fengið umræðu í sveitarstjórnum sveitarfélaganna, án atkvæðagreiðslu, samkvæmt 2. mgr. 119. gr. sveitarstjórnarlaga nr. 138/2011.
 

Næsta skref er að íbúar fái tækifæri til þess að greiða atkvæði um tillögu samstarfsnefndar um sameiningu Tálknafjarðarhrepps og Vesturbyggðar í eitt sveitarfélag. Fer kosningin fram dagana 9. – 28. október, í báðum sveitarfélögum. Auglýsing hefur verið birt í Lögbirtingablaðinu ásamt því að auglýsing birtist í Morgunblaðinu og var lesin upp á Rás 1 og Rás 2. Einnig er unnið að dreifingu kynningabæklings um greinargerð um sameiningu sveitarfélaganna.
 

Hægt er að nálgast kynningarbæklinginn hér.

Eldri færslur
« Febrúar »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29    
Næstu atburðir
Vefumsjón