Vegna ófærðar og tengdra erfiðleika undanfarna sólahringa verða farnar tvær ferðir á ferjunni Baldri á morgun, föstudaginn 27. janúar  sem hér segir.:

Frá Stykkishólmi   kl.: 09:00 og aftur kl.: 15:00

Frá Brjánslæk        kl.: 12:00 og aftur kl.: 18:00.

Starfsfólk Sæferða.

Opnum félagsfundi foreldrafélags Tálknafjarðarskóla hefur verið frestað til fimmtudagsins 26. janúar, fundurinn hefst kl. 21:00 í grunnskólanum. Allir foreldrar barna í leik- og grunnskóladeild Tálknafjarðarskóla eru félagsmenn og þætti okkur í stjórninni vænt um ef þið sæuð ykkur fært að mæta.

Vesturbyggð og Tálknafjarðarhreppur sóttu um styrk vegna verkefna í þágu langveikra barna og barna með ADHD greiningu. Verkefnastjórn sem skipuð var af velferðarráðuneyti fjallaði um og tók afstöðu til 122 umsókna þar sem samtals var sótt um 308 milljónir króna. Á þessu ári verður 90 milljónum úthlutað til verkefna sem verkefnastjórnin lagði áherslu á  að muni nýtast börnum og fjölskyldum þeirra sem best og jafnframt að stuðlað væri að samvinnu milli þeirra aðila sem að málaflokkunum koma.
 
Vesturbyggð og Tálknafjarðarhreppur sóttu um verkefni sem stuðlar að samvinnu milli grunnskóla Vesturbyggðar og Tálknafjarðarhepps og Félagsþjónustu Vestur-Barðastrandarsýslu. Sveitarfélögunum stendur samtals til boða styrkur að upphæð 1.720.000 og er frestur gefinn til 6. janúar til þess að þiggja styrkinn.