Í Tálknafjarðarhreppi eru tvær kirkjur, Kirkjan í Stóra-Laugardal og Tálknafjarðarkirkja. Nánari upplýsingar um kirkjurnar er að finna ef þú smellir á tenglana hér til hliðar.

Stóra-Laugardalskirkja var vígð annan sunnudag í núviknaföstu 1907. Kirkjan er bjálkakirkja, tilsniðin í Noregi. Ýmsar sögur eru til um eignarhald kirkjunnar en Einar Ben eignaðist kirkjuna á sínum tíma, sem og jörðina sem Tálknafjarðarkirkja stendur á, en mun aldrei hafa greitt fyrir jarðirnar. 

Altaristafla kirkjunnar er eftirlíking af síðustu kvöldmáltíðinni eftir Leonardo da Vinci. 

Sjaldan er messað í Stóra-Laugardalskirkju nú orðið en þó er reynt að messa alla veganna einu sinni á sumri. 

Tálknafjarðarkirja var vígð 5. maí 2002 og er fyrsta timburkirkjan sem byggð hefur verið á Íslandi í háa herrans tíð. Arkitekt kirkjunnar er Elísabet Gunnarsdóttir á Ísafirði. 

Altari kirkjunnar er hannað af Hreini Friðfinnssyni sem og altaristaflan sem ekki er eiginleg altaristafla heldur stór veggur alsettur glitperlum. 

Messað er á þriggja vikna fresti að jafnaði. 

Meðhjálpari og formaður sóknarnefndar: Marínó Bjarnason, s. 456-2642