A A A

Hįtķšir

Tálknafjör er bæjarhátíð Tálknfirðinga sem haldin var í fyrsta sinn í ágúst 2006. Þá opnuðu Tálknfirðingar dyr sínar fyrir gesti og gangandi, frítt var í sund, tilboð á súpu og ýmislegt gert sér til gamans. 

Gönguhátíð verður haldin í lok júlí þar sem fólki gefst kostur á að ganga nokkrar af þeim fjöldamörgu fallegu gönguleiðum sem á svæðinu eru undir leiðsögn. Ekki er bara gengið heldur verða líka kvöldvökur og sögumenn fengnir til þess að gæða landslagið nýju lífi með spennandi frásögnum. Bæði er boðið upp á erfiðar göngur fyrir vant göngufólk og léttari göngur fyrir óvana og fjölskyldur. 

Sjómannadagurinn á Patreksfirði hefur þróast í fjögurra daga hátíð sem endar fyrsta sunnudaginn í júní, þ.e. á sjómanndaginn. Mikill fjöldi gesta kemur til Patreksfjarðar yfir hátíðisdagana og margfaldast íbúafjöldinn í bænum þessa helgi. Haldin er dorgveiðikeppni, kappróðrarkeppni, listsýningar og tónleikar þar sem fram koma mörg þekkt nöfn. Á sjómannadagsballið sjálft er ávallt fengin ein af vinsælustu danshljómsveitum landsins til að spila fyrir dansi. 

Bíldudals grænar baunir er menningarhátíð sem haldin er annað hvert ár á Bíldudal. Þá skartar bærinn sýnu fegursta, ýmsir listamenn stíga á stokk, haldnar eru sýningar, boðið upp á spennandi rétti úr því gæðahráefni sem sótt er í fjörðinn o.fl. Nánari upplýsingar sem og myndir af fyrri hátíðum er hægt að sjá á vef Arnfirðingafélagsins,www.arnfirdingur.is 

« Mars »
S M Ž M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Nęstu atburšir
Vefumsjón