Sveitarstjórn Tálknafjarðarhrepps auglýsir hér með tillögu að endurskoðuðu aðalskipulagi Tálknafjarðarhrepps 2019-2039 ásamt umhverfismatsskýrslu og athugasemdum Skipulagsstofnunar í samræmi við 31. gr. skipulagslaga nr. 123/2010.

Tillagan felur í sér endurskoðun á aðalskipulagi Tálknafjarðarhrepps 2006-2018 og er sett fram á uppdrætti, í greinargerðum og í vefsjá: https://storymaps.arcgis.com/stories/e964eda14ee94147a19de2e13365b420 .

Tillagan verður til sýnis á skrifstofu Tálknafjarðarhrepps, Strandgötu 38, hjá Skipulagsstofnun, Borgartúni 7b, Reykjavík, og í vefsjá á sérstakri vefsíðu um verkefni, sem og í skipulagsgáttinni, málsnr. 66/2024 frá og með 27. febrúar 2024 til og með 9. apríl. 2024.

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna. Frestur til að skila inn athugasemdum er til 9. apríl 2024. Athugasemdir skulu vera skriflegar og undirritaðar með nafni, kennitölu og heimilisfangi.

Þeim skal skila á skrifstofu Tálknafjarðarhrepps, Strandgötu 38, 460 Tálknafjarðarhreppi, eða á netfangið talknafjordur@talknafjordur.is, merktum Aðalskipulag 2039.

Bent er á að athugasemdir við aðalskipulag eru opinber gögn. 

Uppdrátt að tillögðu að aðalskipulagi Tálknafjarðarhrepps 2019-2039 má sjá hér.

Greinargerð með tillögu að aðalskipulagi Tálknafjarðarhrepps 2019-2039 má sjá hér.

Ábendingar Skipulagsstofnunar vegna aðalskipulags Tálknafjarðarhrepps 2019-2039 má sjá hér.

Skipulagsfulltrúi Tálknafjarðarhrepps