Sunnudaginn 19. maí n.k. verður formlega til nýtt sveitarfélag með sameiningu Tálknafjarðarhrepps og Vesturbyggðar.
Við ætlum að fagna þeim áfanga með fjölskylduveislu í íþróttahúsinu á Tálknafirði á sunnudaginnn kl. 12:30, með stuttri skemmtidagskrá, hoppukastala og kaffiveitingum.
Frítt verður í sund á Tálknafirði og verður sundlaugin opin milli kl. 11:00 og 14:00 í tilefni dagsins.
Gerum okkur glaðan dag saman því saman erum við sterkari.
Sveitarstjórn Tálknafjarðarhrepps hefur þann 23. apríl 2024 samþykkt Aðalskipulag Tálknafjarðarhrepps 2019-2039 í samræmi við 2. mgr. 32. gr. skipulagslaga nr. 123/2010 og 16. gr. laga um umhverfismat framkvæmda og áætlana nr. 111/2021.
...
Boðað hefur verið til 637. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, Tálknafirði, þriðjudaginn 14. maí 2024 og hefst kl. 17:00.
...Í fyrsta sinn er auglýst eftir tilnefningum til bæjarlistamanns Sameinaðs sveitarfélags Tálknafjarðarhrepps og Vesturbyggðar. Bæjarlistamaður Vesturbyggðar hefur verið útnefndur frá árinu 2021.
Verðlaunin verða afhent þann 17. júní næstkomandi. Verðlaunin eru viðurkenning á góðum störfum í þágu listarinnar, þeim er ætlað að vekja athygli á verkum listamannsins og jafnframt verka sem hvatning til að koma starfi sínu á framfæri. Öll geta sent inn tilnefningar og tilnefna má listamenn úr öllum listgreinum, hvort sem það er úr hannyrðum, myndlist, ritlist, leiklist, tónlist eða öðru.
Í Vesturbyggð voru verðlaunin fyrst veitt Rannveigu Haraldsdóttur árið 2021, Signý Sverrisdóttir hlaut nafnbótina árið 2022 og síðast Guðný Gígja Skjaldardóttir árið 2023.
Tilnefningar og ábendingar berist í tölvupósti til Valgerðar Maríu Þorsteinsdóttur, menningar- og ferðafulltrúa, á netfangið muggsstofa@vesturbyggd.is í síðasta lagi mánudaginn 20. maí 2024. Tilnefningum má gjarnan fylgja rökstuðningur og upplýsingar um störf listamannsins en ekki er gerð krafa um slíkt. Sérstök valnefnd mun fara yfir innsendar tillögur.
Tálknafjarðarhreppur auglýsir laus störf í Íþróttamiðstöð Tálknafjarðar. Umsóknarfrestur hefur verið framlengdur til og með 15. maí 2024.
...
Breyting á losun garðaúrgangs
Greinar og trjáafklippur á að fara með í gerðið uppi við þurrkhjallinn á efri brekkunni. Eingöngu má losa inni í gerðinu greinar og trjáafklippur en engu öðru má henda þar.
Heimilt er að losa gras á sama stað og verið hefur neðan við geymslusvæðið.
Öll losun er bönnuð á geymslusvæðinu í Hrafnadal og þar verður lokað fyrir umferð annarra en þeirra sem þar leigja geymslusvæði.
Allur úrgangur, allt timbur, húsgögn og aðrir munir eiga að fara á gámavöllinn til förgunar.
Íbúar eru beðnir um að virða þessi fyrirmæli um losun á sorpi. Gríðarlegur kostnaður fylgir því að losna við þann ruslahaug sem hefur safnast upp og nauðsynlegt að vinna að því sem fyrst. Því er brýnt að ekki bætist við hauginn og að íbúar virði reglur um losun á sorpi.
