Aðalfundur þjóðbúningafélagsins Auðar á sunnanverðum Vestfjörðum.

Haldinn sunnudaginn 8.apríl 2018 á Hópinu Tálknafirði kl. 14:00.

Dagskrá:

1. Venjuleg aðalfundastörf
    Skýrsla stjórnar
    Skýrsla gjaldkera
2. Kosning stjórnar
    Kosning gjaldkera
3. Starfið framundan
    Námskeið
    Starfssemi félagsins
    Þjóðbúningadagar s.s. Sumardagurinni fyrsti, sjómannadagurinn, 17.júní
4. Önnur mál

Allir innilega velkomnir og gaman væri að mæta í þjóðbúningum. Kaffi og rjúkandi nýkar vöfflur í boði.

Minjasafn Egils Ólafssonar að Hnjóti auglýsir eftir fólki til starfa á safninu sumarið 2018.
 
Helstu verkefni starffólks eru leiðsagnir um safnið, afgreiðsla í kaffiteríu, almenn þrif og önnur tilfallandi verkefni.

Við leitum að jákvæðum, þjónustulunduðum, skipulögðum og snyrtilegum einstaklingum með hæfni í mannlegum samskiptum. Gott vald á íslensku og ensku er skilyrði og frekari tungumálakunnátta er kostur.

Frítt húsnæði er í boði fyrir starfsfólk í 5 km fjarlægð frá safninu. Eigið farartæki er kostur.

Frábært tækifæri fyrir nema eða annað áhugafólk um sögu, menningu og náttúru sunnanverðra Vestfjarða.
 

Atvinnuumsókn með ferilskrá sendist fyrir 10. apríl á netfangið museum@hnjotur.is

Frekari upplýsingar um starfið gefur Óskar Leifur Arnarsson í síma 456-1511 eða á museum@hnjotur.is.
 

« 1 af 6 »

Hjónin Aron Ingi Guðmundsson og Julie Gasiglia opnuðu síðastliðinn föstudag HÚSIÐ - House of Creativity í Gömlu Verbúðinni á Eyrargötu á Patreksfirði. Starfsemi Hússins hefur frá því það opnaði síðasta sumar verið í Merkisteini, Aðalstræti 72 á Patreksfirði en flyst nú í stærra og hentugra húsnæði. Í HÚSINU í Gömlu Verbúðinni verða listasýningar, ljósmyndasýningar, tónleikar, handverksverslun og skrifstofurými til útleigu.

Fyrsta sýningin hjá þeim nefnist „Kraftur Jurta“ og er lokaverkefni Dagrúnar Írisar í grafískri hönnun frá Myndlistarskólanum á Akureyri. Dagrún Íris myndskreytti og endurgerði á nútímalegan hátt gamalt rit frá árinu 1880 er ber nafnið “Lítil Ritgjörð um nytsemi nokkurra íslenzkra jurta eptir ýmsa höfunda” og er safnað saman af Jóni Jónssyni garðyrjumanni. Ritið fjallar um lækningamátt og vinnslu nokkura jurta sem finnast í íslenskri náttúru.
 

Það verður margt á dagskrá í HÚSINU-Gömlu Verbúðinni á þessu ári en þau hjón fengu styrk frá Uppbyggingarsjóði Vestfjarða til að setja upp fjölbreytta menningardagskrá fyrir árið 2018. Hægt er að fræðast meira um starfsemina hjá þeim á heimasíðu Hússins: www.husid-workshop.com og svo er hægt að finna HÚSIÐ á samfélagsmiðlunum Facebook og Instagram undir Húsið-House of Creativity.

Umhverfissjóður Íslenskra Fjallaleiðsögumanna veitir styrki á tveggja ára fresti. Sjóðnum er ætlað að úthluta styrkjum til verkefna sem stuðla að verndun náttúru Íslands.  Fyrirtæki, einstaklingar, eignarhaldsfélög, félagasamtök, sveitarfélög og opinberar stofnanir geta fengið framlög frá sjóðnum. Umsóknaraðilar geta einnig verið samstarf nokkurra aðila. 

Íþróttahúsið á Tálknafirði auglýsir laus störf við sundlaugina og tjaldsvæðið á Tálknafirði.

Starf sundlaugarvarðar felst í almennri afgreiðslu og þrifum auk eftirlits með sundlaug og íþróttahúsi. Unnið er á vöktum, dag, kvöld og helgar.
 

Starf á tjaldsvæði felst í innheimtu og þrifum og er það 50% staða.

Æskilegt er að viðkomandi sé þjónustulundaður og sýni frumkvæði í starfi.
Æskilegt er að umsækjandi tali auk íslensku amk eitt tungumál.
Umsækjendur skulu vera orðnir 18. Ára.
Laun eru samkvæmt kjarasamningi FOS-VEST og Launanefndar sveitafélaga.
Skylt er að afla upplýsinga úr sakaskrá skv. 4 mgr. 10 gr. Æskulýðslaga nr. 70/2007.

Æskilegt er að viðkomandi geti hafið störf eigi síðar en 20. maí.
Umsóknarfrestur er til 20. apríl 2018.
 

Allar nánari upplýsingar veitir Bjarnveig Guðbrandsdóttir í síma: 846 4713
eða sundlaug@talknafjordur.is

Opnunartími íþróttahúss Tálknafjarðar yfir páska!

29. mars – Skírdagur opið 11-14

30.mars – Föstudagurinn langi LOKAÐ

1. apríl – Páskadagur LOKAÐ

2. apríl – Annar í páskum opið 11-14