Íslandspóstur óskar eftir starfsmanni í afleysingar.
Starfið felst m.a. í að dreifa pósti á Tálknafirði.
Nánari upplýsingar eru veittar í síma 825-1120.
Sigurborg Þórsdóttir, stöðvarstjóri Patreksfirði.
Vesturbyggð, Umhverfisstofnun og landeigendur á Rauðasandi ætla að standa fyrir fjöruhreinsun á Rauðasandi laugardaginn 1. júlí frá kl. 10:00 – 16:00. Hreinsunin fer fram á austurhluta Rauðasands. Þetta er þriðji áfangi í hreinsun strandlengjunnar en stefnt er á að gera það árlega og klára alla ströndina. Boðið verður upp á samlokur, drykki og óvissuferð.
Þeir sem eru tilbúnir til að leggja hönd á plóg eru vinsamlegast beðnir að skrá sig hjá landverði í síma 822-4081 eða senda póst á netfangið eddak@ust.is fyrir föstudaginn 31. júní. Mæting er við Félagsheimilið á Patreksfirði, kl. 10:00 þar sem sameinast verður í bíla eða á tjaldsvæðinu Melanesi kl. 10:40.
Vonumst til að sjá sem flesta.
Hugmynd að nýjum baðlaugum við Pollinn.
Eins og íbúar í firðinum hafa eflaust tekið eftir hefur ferðamannastraumur til Tálknafjarðar og í Pollinn stóraukist síðustu ár. Núverandi aðstæður í Pollinum eru orðnar gamlar og geta ekki talist fullnægjandi til að taka á móti þeim mikla fjölda gesta sem sækir svæðið heim. Þörf er á uppbyggingu sem styrkt getur þjónustu við ferðamenn og íbúa Tálknafjarðar.
Marta Sólrún Jónsdóttir, landslagsarkitekt hefur í vor unnið að meistaraverkefni við NMBU háskólann í Noregi um hönnun á nýjum laugum og baðsvæði.
Kynning á verkefninu verður haldin í Dunhaga þann 11. júlí klukkan 20-21.
Allir Tálknfirðingar og aðrir hollvinir Pollsins eru hjartanlega velkomnir.
514. fundur Hreppsnefndar Tálknafjarðarhrepps verður haldinn að Strandgötu 38, Tálknafirði, 27. júní 2017 og hefst kl. 17:00.
Sveitarstjóri
Dagur framhaldsfræðsluaðila á Vestfjörðum verður haldinn 14. júní kl. 16-18 í Félagsheimili Patreksfjarðar.
Helstu fræðsluaðilar á Vestfjörðum kynna nám sem hægt er að sækja í farnámi, námi á framhaldsskólastigi, háskólastigi, fullorðinsfræðslu og raunfærnimat.
Sérstök áhersla er lögð á að kynna nám á heilbrigðissviði þar sem mikil þörf er á heilbrigðismenntuðu fólki á sjúkrahúsið á Patreksfirði. Sjúkraflutningamenn og slökkviliðsmenn verða á staðnum til að kynna sitt starf og Sjúkraflutningaskólann.
Grill og skemmtilegheit.
Allir velkomnir!
513. fundur Hreppsnefndar Tálknafjarðarhrepps verður haldinn að Strandgötu 38, Tálknafirði, 13. júní 2017 og hefst kl. 17:00.
Sveitarstjóri
