Félagsþjónusta Vestur-Barðastrandasýslu auglýsir starf forstöðumanns við íbúamiðstöðina Vindheima  laust til umsóknar. Um spennandi mótunar- og þróunarstarf er að ræða sem býður upp á fjölbreytta framtíðarmöguleika. Um 50% starf er að ræða.

Skrifstofa Tálknafjarðarhrepps verður lokuð dagana 21. júlí til 12. ágúst.
 
Ef erindið er brýnt er bent á síma sveitarstjóra 861-3359 eða netfangið talknafjordur@talknafjordur.is

Fimmtudaginn 3. júlí kl. 16 verður opnuð í Safnaðarheimilinu á Patreksfirði sýning um franska landkönnuðinn Yves-Joseph de Kerguelen – Tremarec. Á sýningunni er rakin saga fyrsta vísindaleiðangurs Frakka til Íslands. Sá leiðangur er talinn marka upphaf vináttu Frakka og Íslendinga. Sýningin rekur ferðir Yves-Joseph de Kerguelen til Íslands 1767 og 1768. Franski sendiherrann, Marc Boutillier opnar sýninguna og býður upp á léttar veitingar. Eru allir velkomnir að vera við sýningaropnunina.

Úr Surtarbrandsgili

Helgina 4 – 6 júlí verður haldin sannkölluð fjölskylduhelgi í friðlandinu Vatnsfirði. Boðið verður  upp á sögustundir, náttúruskoðun og  ratleik fyrir alla fjölskylduna. Einnig verður farið í fjölskyldugöngur í Náttúruvættið Surtarbrandsgil og skoðað hvernig flóra Íslands var fyrir 11 milljón árum síðan.  

Sjá dagskrá hér í viðhengi (.pdf)

Vestfjarðavíkingurinn, keppni sterkustu manna landsins fer fram dagana 10. til 12. Júlí. Keppt verður á eftirtöldum stöðum:

Fimmtudagur 10. Júlí
kl. 11:00   Snæfellsbær, Tröð Hellisandi:
                Kútakast, Bryggjupollaburður
kl. 17:00   Bjarkarlundur: Bóndaganga
kl. 19:00   Reykhólar, við félagsheimilið: Steinar upp fyrir höfuð

Föstudagur 11. Júlí
kl. 13:00   Patreksfjörður, Friðþjófs Torgi: Réttstöðulyfta
kl. 17:00   Tálknafjörður, Sundlauginni: Öxulpressur, Tunnuhleðsla

Laugardagur 12. Júlí
kl. 13:00   Búðardalur, við Leifsbúð: Trukkadráttur
kl. 17:00   Búðardalur, við félagsheimilið: Steinatök

Fundur vegna Tálknafjörs verður á mánudag kl 20 í Vindheimum.